YEREMIA 2:11 - KITTA' MATANGKASA'

¹¹ Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YEREMIA 2:11 ပူးပေါင်းရင်းမြစ်များ

1 KARAENG-KARAENG 11:33

LaKugaukangi anjo kammaya lanri nabokoiMa' Salomo nampa anynyomba ri rewata-rewataya, iamintu: Asytoret, rewata baine battu ri Sidon; Kamos, rewata bansa Moab, siagang Milkom, rewata bansa Amon. Tena naturuki Salomo erokKu. Tena nasangkamma Daud manggena mannurukia ri Nakke siagang anggaukangai parenta-parentaKu.

2 KARAENG-KARAENG 1:3

Mingka nasuroi malaeka'Na Batara Na'bi Elia, iamintu na'bi battua ri Tisbe, a'lampa angngagangi sibuntulu' anjo sikamma tau nasuroa Karaeng Ahazia untu' angkana, “Apaka tena Allata'ala ri Israel sa'gennu ero' a'lampa appala' pitunju' mae ri Baal-Zebub, anjo rewatana kota Ekron?

2 PATTOTTORANG 13:9

Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

PAMMUJI 106:20

Nasambei Allata'ala malompoa siagang patung sapi pakanre rukuka.

PAMMUJI 115:4

Barhalana ke'nanga battu ri bulaeng siagang pera' nipare', bate pare' limanna ke'nanga.

PAMMUJI 3:3

Jaimi tau mangkana taerokai Allata'ala antulunga'.

YESAYA 37:19

Sikamma rewatana ke'nanga natunu tommi siagang naancuru' tommi, lanri sikamma anjo rewataya tena sikali koasana. Anjo rewataya poro patung kayuji siagang patung batuji, bate pare' rupatau.

YEREMIA 16:20

Maka akkullei rupataua ampareki rewataya untu' kalenna todong? Tantu tena! Anjo napareka tantu teai Allata'ala.”

YEREMIA 18:13

Nakana Batara, “Pakkuta'nangngangi mae ri tunggala' bansaya, angkanaya apaka le'baki kajariang passala' kammaya anne? Le'ba'mi nagaukang umma' Israel apa appakaringi'-ringika!

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEREMIA 2:8

Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

YEREMIA 5:7

Nakana Batara, “Angngapa namusti Kupammopporang dosa-dosana ummakKu? NabokoiMa' ke'nanga siagang anynyombami ke'nanga ri tenaya na Allata'ala. Kusarei ke'nanga kanre sa'genna bassoro', mingka kammaji a'gau' bawanna, siagang masarroi a'lampa ke'nanga mange ri baine pasundalaka.

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’

YEHEZKIEL 5:7

Nakana Batara Kaminang Tinggia, “He Yerusalem, pilangngeri! Ikau tena numannuruki ri parenta-parentaKu siagang hukkung-hukkungKu; la'bi kapala batuangngangko nabansa-bansa maraeng niaka ri tammulilinu, siagang amminawang turukko mae ri kabiasanna anjo bansa-bansaya.

MIKHA 4:5

Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

ROMA 1:23

Teai Allata'ala tamamminraya nasomba ke'nanga, passangalinna patung-patung sangkammaya apa lakkullea mate; iamintu rupataua, jangang-janganga, olo'-olo' appaka bangkenna, siagang olo'-olo' a'loloka rawa ri buttaya.

1 KORINTUS 8:4

Ri passala'na nikanaya angnganre kanre le'bakamo nipassareang mae ri barhalaya sikontutojenna anjo barhalaya apa tena nanikana nia'. Iaji niasseng angkanaya se'reji Allata'ala; tena ruanna.

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

PAOLE 32:16

Manynyombai ri patung ke'nanga, nakkimburumo Batara, nai' larroNa lanri anjo kaja'dallanga.

PAOLE 32:21

Patung nasombaya ke'nanga a'jari saba' naKularro siagang akkimburuA' mae ri apa naarenga ke'nanga rewata. Kupanaiki larrona ummakKu ri bansa maraenga, sollanna akkimburu mae ri tau dongo'-dongoka.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

1 SAMUEL 4:21

Niaremmi anjo anaka Ikabod, na nakana, “Kahaderang kala'biranNa Allata'ala tappela'mi battu ri Israel” – ia napakkanaia iamintu angkanaya Patti ParjanjianNa Karaeng Allata'ala nirampasa'mi siagang matoanna kammayatompa bura'nenna matemi. Lanri kammana nanakanamo, “Kahaderang kala'biranNa Allata'ala tappela'mi battu ri Israel, lanri nirampasa'mi Patti ParjanjianNa Allata'ala.”