YEREMIA 18:23 - KITTA' MATANGKASA'

²³ Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

YEREMIA 18:23 ပူးပေါင်းရင်းမြစ်များ

PAMMUJI 119:126

O, Batara, narapi'mi wattunTa angngalle tindakang, lanri nadakkai taua hukkunTa.

PAMMUJI 35:4

Boli'mi kamma tau eroka ambunoa' nibeta na nipakasiri'. Boli'mi kamma tau assikongkoloka ambalianga' ammunduru' siagang lingu.

PAMMUJI 56:8

Maka nia' kasalamakkang untu' kaja'dallanna ke'nanga? Kiancuru' lalomi ke'nanga lalang larroTa, o, Allata'ala!

PAMMUJI 59:5

Teai tongi lanri kasalangku, napparuru siagang sadia-sadia ngaseng ke'nanga.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 2:9

Tunggala' taua lanihinai siagang lanipakatunai. TeaKi' pammopporangngi ke'nanga Batara!

YEREMIA 11:23

Le'ba'mi Kupattantu wattunna untu' ampaturungi balaya mae ri tu Anatot, siagang punna battumo wattu hukkunganna ke'nanga, manna sitau tania' lata'lappasa'.”

YEREMIA 15:15

Nampa kukanamo, “Batara, Kipahangi. U'rangia' siagang tulunga'. Pa'balassanga' mae ri anjo ke'nanga angngondanga' siagang anjallakkanga'. TeaKi' sa'bara' dudui mae ri ke'nanga sa'genna akkulle sallang ke'nanga ambunoa'. Kiu'rangi angkanaya lanri iKatte nakunihina.

YEREMIA 17:18

Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YEREMIA 17:4

Latarpassai nupassareang tampa' le'baka Kupassareang mae ri kau, siagang laKupa'jariko ata mae ri musunnu ri pa'rasangang tena sikalia nuassengi. LaKugaukang ngasengi anjo sikammaya lanri allumpana larroKu rapang pepe' a'rinra tenaya nakkulle nibuno pepe'na.”

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 26:11

Nakanamo sikamma imanga siagang na'bi-na'bia ri sikamma anjo pagawe-pagawe pamarentaya siagang ra'yaka, “Anne taua siratangi nihukkung mate, lanri le'baki appasulu' kana-kana ambaliangi anne kotata. Kau ngaseng kalennu le'ba'mi nulangngere'.”

YEREMIA 26:8

Tena sallo le'ba'na kupa'la'bang sikontu anjo pasanNa Batara sangkamma Naparentakanga, najakkala'ma' ke'nanga nampa ammarrang angkana, “Musti mateko!

YEREMIA 37:15

Sanna' larrona ke'nanga ri nakke, siagang naparentakammi ke'nanga sollangku niba'ji nampa nikurung ri balla'na Yonatan, juru tulisi'na pamarentaya. Anjo ballaka nipa'jarimi balla' tarungku.

YEREMIA 38:4

Jari a'lampami anjo sikamma pagawea mae ri karaenga nampa angkana, “Anne taua musti nihukkung matei. Nasaba', lanri akkana kammana napanaungi sumanga'na sikontu tantaraya siagang tau maraenga ammantanga ri anne kotaya. Tena natulungi ra'yaka, passangalinna nacilakai ke'nanga.”

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 6:21

LaKupatatto'roi ke'nanga sollanna tu'guru'. Mangge siagang ana', agang siagang siampi' balla', yangasenna lapanra' ngasengi.”

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

PIRAUNG 3:61

IKatte, Batara, Kilangngereki antekamma bateku nihina; Kiasseng ngasengi rancanana ke'nanga.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.