YEREMIA 17:7 - KITTA' MATANGKASA'

⁷ Mingka tau manrannuanga ri Nakke latuli Kubarakkaki.

YEREMIA 17:7 ပူးပေါင်းရင်းမြစ်များ

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 20:8

Nia' tau ampattoangi kareta pa'bundukanna, nia' todong appattoangi jaranna. Mingka ikatte nipattoanga koasaNa Batara, Allata'alata.

PAMMUJI 34:8

Malaeka'Na Batara anjagai tau mappilangngeria, siagang nalappassang ke'nanga battu ri bahayaya.

PAMMUJI 40:4

Naajaraka' angkelongangi lagu berua lagu pammuji untu' Allata'alata. Jai tau anciniki siagang a'jari malla', nampa tappa' mae ri Batara.

PAMMUJI 71:5

Saba' iKattemi panrannuangku, o, Batara, o, Batara tappaka' mae ri Katte battu ri wattu rungkaku iji.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

PANGNGEBARANG 16:20

Parhatikangi apa nipangngajarranga mae ri kau, nalanugappa apa-apa bajika. Tappakko mae ri Batara, na nulamate'ne.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEREMIA 39:18

Tena nulanibuno, lanri laKupasalamakko. Lasalamaki nyawanu lanri tanjengko mae ri Nakke. INakke Batara, anne akkana.”

DANIEL 3:28

Nampa nakanamo karaenga, “Pujimi Allata'ala nasombaya Sadrakh, Mesakh siagang Abednego. Iami le'ba' assuroi malaeka'Na untu' ampasalamaki tallua atanNa matappaka mae ri Ia. Le'baki nadakkai ke'nanga parentaku siagang erokangngangi matea ke'nanga kala anynyombaya yareka appakalompo ri rewata maraeng, pantaranganna Allata'alana todong ke'nanga.

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

EFESUS 1:12

Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!