YEREMIA 17:4 - KITTA' MATANGKASA'

⁴ Latarpassai nupassareang tampa' le'baka Kupassareang mae ri kau, siagang laKupa'jariko ata mae ri musunnu ri pa'rasangang tena sikalia nuassengi. LaKugaukang ngasengi anjo sikammaya lanri allumpana larroKu rapang pepe' a'rinra tenaya nakkulle nibuno pepe'na.”

YEREMIA 17:4 ပူးပေါင်းရင်းမြစ်များ

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

2 KARAENG-KARAENG 25:21

ri daera Hamat. Anjorengi ke'nanga nisessa nampa nibuno. Kammami anjo batena tu Yehuda niengka' battu ri pa'rasanganna ke'nanga nampa nierang mange ri butta pammelakkanga.

NEHEMIA 9:28

Mingka ri wattu amang ammotere' pa'rasanganna, linta'mi doraka ke'nanga ammotere'. Jari Kipassareammi pole ke'nanga mae ri musu anjallakkangai. Mingka ri wattu angngu'rangi siagang sanna' assesse' lalanna, akkio'mi ri Katte appala' nipasalama'. Jari mappilangngeriKi' battu ri suruga, naKitulung ma'mole-mole, lanri mangngamaseanTa siagang Kisayanna ke'nanga.

YESAYA 14:3

LaNapata'lappasaki Batara bansa Israel battu ri kapa'risanga siagang kasessanga, siagang battu ri jama-jamang battala' nipassaya mae ri ke'nanga.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YESAYA 50:11

He ikau ngaseng tau ancilakaiyai parannu tau, lanipanrakiko lanri ri rancana kalennu tonji. Batara ampareki anjo kajarianga kammaya, lasannaki batenu nisessa.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YEREMIA 12:7

Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

YEREMIA 15:14

Ri pa'rasangang maraeng tenaya naassengi ke'nanga, laKupa'jari atai ke'nanga mae ri musu-musunna, lanri allumpana larroKu rapang pepe' a'rinra lompoa siagang tenaya naero' mate pepe'na.”

YEREMIA 16:13

LaKubongkako assulu' battu ri anne pa'rasanganga nampa Kupelakko mange ri se'reang pa'rasangang tena sikalia nuassengi siagang boe-boenu. Anjorengko lassambayang allo bangngi mae rewata-rewata maraenga, siagang tena Kulamangngamaseang mae ri kau.’ ”

YEREMIA 18:23

Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

YEREMIA 2:14

“Israel teai ata, teai tongi turungang ata. Mingka angngapa nania'lu'mo ri balinna?

YEREMIA 22:28

Inakke Yeremia, kukana, “Apaka anjo Karaeng Yoyakhin a'jarimi sanrapang uring reppe' nipelaka siagang tenayamo ningai? Iakami anjo saba'na nanibongkai siagang nipelaki siagang ana'-ana'na mange ri pa'rasangang tenaya naassengi ke'nanga?”

YEREMIA 5:19

Mingka punna akkuta'nang ke'nanga angkana angngapa naKugaukang ngaseng anjo sikammaya mae ri ke'nanga, pauangi Yeremia, angkanaya antekamma batena ke'nanga ambokoiA' ri pa'rasangang kalenna ke'nanga untu' anynyomba ri rewata-rewatana bansa maraenga, kamma tomminjo la'jari atai ke'nanga ri bansa-bansa maraeng ri pa'rasangang maraeng.”

YEREMIA 5:29

Mingka iNakke, Batara, langhukkungi ke'nanga lanri yangasenna anjo sikammaya; laKubalasaki sikamma panggaukanna anne bansaya.

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

PIRAUNG 1:12

“He sikamma tunumaloa ri aganga, ciniki siagang parhatikangi! Maka nia' passessa sangkammaya lompona nulangngereka ri kamma-kammaya anne, passessa Napabattua Batara mae ri nakke, lanri pangngalarroi lompoNa?

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

YEHEZKIEL 7:24

Bansa-bansa kaminang sekkeka laKupabattui untu' angngempoi sikamma balla'nu. Sikamma tau porenu kaminang barania la'jari mallaki punna Kulappassang anjo bansa-bansaya angngancuruki tampa'-tampa' ibadanu.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.