YEREMIA 17:18 - KITTA' MATANGKASA'

¹⁸ Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YEREMIA 17:18 ပူးပေါင်းရင်းမြစ်များ

AYUB 16:14

Nabakkaia' sangkamma pejuang, Nalokokia' a'mole-mole.

PAMMUJI 35:4

Boli'mi kamma tau eroka ambunoa' nibeta na nipakasiri'. Boli'mi kamma tau assikongkoloka ambalianga' ammunduru' siagang lingu.

PAMMUJI 35:8

Boli'mi kamma ke'nanga nituju ri posso' tena nasanna-sannai ke'nanga. Boli'mi kamma nijakkala' ke'nanga ri sikko' napareka kalenna nampa tu'guru' na posso'.

PAMMUJI 40:14

O, Batara, Kipasalama' laloa', o, Batara sadia maKi' untu' antulunga'!

PAMMUJI 70:2

O, Allata'ala, pasalamaka', O, Batara, karo-karo maKi' antulunga'!

PAMMUJI 71:1

IKattemi pa'la'langangku, o, Batara, teaKi' balang parekangia' nipakasiri'.

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 16:18

LaKubalasaki dosana siagang kaja'dallanna ke'nanga siagang hukkungang a'lappi rua, lanri narantassimi pa'rasangangKu siagang jai barhala. Anjo barhala-barhalaya tena na'nyawa, sangkammai maya'.”

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 17:16

Mingka, o Batara, tale'bakaKi' kupassa untu' ampabattui balaya mae ri ke'nanga. Tena todong kuero' sollanna nituju ri kasusaang. Kiassengi anjo, Batara. Kiassengi apa kupaua.

YEREMIA 17:19

Nakana Batara ri nakke, “Yeremia, a'lampako mange ri Pakke'bu' Lompo Ra'ya' naoloa sikamma karaeng Yehuda punna assulu' siagang antama' ri kotaya. A'lampa tongko mange ri sikontu pakke'bu' Lompo maraenga ri Yerusalem.

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.

PAOLE 33:11

O Batara, Kitulungi anne sukua sollanna kassa', sollanTa sannang mae ri apa nagaukanga ke'nanga. Ancuruki sikontu musunna ke'nanga; panraki sa'genna satunggu-tungguna.”

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.