YEREMIA 17:13 - KITTA' MATANGKASA'

¹³ Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 17:13 ပူးပေါင်းရင်းမြစ်များ

PAMMUJI 22:4

Mingka iKattemi Karaeng Kaminang Matangkasaka, nipuji-pujia ri tu Israel.

PAMMUJI 69:29

Boli'mi kamma nilu'lu' arenna ke'nanga battu ri kitta' katallassanga; na tena nicataki arenna lalang ri dattara'na tau lambusuka.

PAMMUJI 71:5

Saba' iKattemi panrannuangku, o, Batara, o, Batara tappaka' mae ri Katte battu ri wattu rungkaku iji.

PAMMUJI 73:27

Lacilakai tau ambokoiaKi' Kiballassi tau tenaya majarre' mae ri Katte.

PAMMUJI 97:7

Sikontu tau anynyombaya ri barhala lanipakasiriki, ampattampoangai barang-barang tenaya matu-matunna; sikontu rewataya lasu'juki ri dallekanNa Batara.

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

YESAYA 1:28

Mingka tau dorakaya, angngewaya mae ri Ia, laNapanraki, nampa sikamma tau ambokoiyai laNapaccappuki.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEREMIA 14:8

IKatteji bawang panrannuanna Israel, ampasalamakai ikambe battu ri balaya. Mingka angngapa Kikamma tau maraeng ri pa'rasanganna ikambe, rapang pajappa battu bella poro assengka bawang sipattang nampa a'lampa?

YEREMIA 17:17

TeaKi' a'jari apa appakamalla' ri atingku. IKatte tampa' palariangku punna battu kasukkaranga.

YEREMIA 17:18

Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

YEREMIA 19:4

Kugaukangi anjo passalaka lanri anne bansaya nabokoiMa'. Narantassi anne tampaka lanri assarena koro'bang mae ri rewata-rewata tenaya naassengi ke'nanga, tenaya naassengi boe-boena ke'nanga siagang sikamma karaenna tu Yehuda. Nabonei tommi ke'nanga anne tampaka cera'na tau tenaya nasala.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

YEREMIA 50:7

Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YEHEZKIEL 36:32

U'rangi, he Israel, angkanaya naKugaukang ngaseng anjo sikammaya, teai lanri ikau. Musti siri'-siriki nusa'ring siagang hinai pakkasia'nu lanri panggaukannu. INakke, Batara Kaminang Tinggia, anne akkana.’ ”

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

ZAKHARIA 9:12

Ammotere' mako he sikamma tunipelaka, anne kamma nia'mo panrannuannu. Ammoterekko mange ri tampa' pa'la'langannu, iNakke tuli lambarakkaki ngasengko. Pilangngeri: LaKubarakkakiko a'lappi rua lanri sikontu kasessang le'baka nukasia'.

LUKAS 10:20

Mingka manna nakamma mamo, teako rannu dudui punna amminawammo roh-roh ja'dalaka ri parentanu. Bajikangangi punna rannuko lanri tattulisi'mi arennu lalang ri suruga.”

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

LAMPA-LAMPANA 28:20

Jari iaminjo saba'na nakuero' angngagang ngasengko assibuntulu' siagang angngagang ngasengko a'bicara. Nasaba' iaji nanisikkoka' kapassabakkang Karaeng Mappasalama' salloamo naminasai bansa Israel.”

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”