YEREMIA 15:1 - KITTA' MATANGKASA'

¹ Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 15:1 ပူးပေါင်းရင်းမြစ်များ

PA'JARIANG 19:27

Ammukona bari'basa', a'lampami linta' Abraham mae ri tampa' le'baka napammentengi ri dallekanNa Batara ri siallo allaloa.

2 KARAENG-KARAENG 17:20

jari tenamo Naani Batara sikontu umma' Israel. Nahukkungi siagang Napassareangi ke'nanga mae ri musu-musunna ke'nanga sannaka palla'na. Tenamo naNaparhatikangi ke'nanga, passangalinna Napelaki ke'nanga battu ri butta Napassareanga mae ri ke'nanga.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

PANGNGEBARANG 14:35

Sannangi pa'mai'na karaenga mae ri pagawe cara'deka; mingka larroi mae ri pagawe tenaya nakkulle ampajappai tugasa'na.

YEREMIA 10:18

Anne wattua laNapasambilai Batara sikontu bansa Yehuda mange ri pa'rasangang pammelakkanga; laniancuru' ngasengko taba sikali. Iaminjo pasanNa Batara.

YEREMIA 11:14

Lanri kammana anjo Yeremia, teako appala' doangngi untu' ke'nanga yareka teako appala' tulungi mae ri Nakke untu' ke'nanga. Punna lalang kasukkarang ke'nanga nappala' tulung mae ri Nakke, tena Kuero' ampilangngeri ke'nanga.”

YEREMIA 14:11

Nakana Batara ri nakke, “Teako palakki ri Nakke untu' antulungi anjo tau sikammaya.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

YEREMIA 16:13

LaKubongkako assulu' battu ri anne pa'rasanganga nampa Kupelakko mange ri se'reang pa'rasangang tena sikalia nuassengi siagang boe-boenu. Anjorengko lassambayang allo bangngi mae rewata-rewata maraenga, siagang tena Kulamangngamaseang mae ri kau.’ ”

YEREMIA 16:5

Teako a'lampai mae ri balla'na tau natabaya susa, Yeremia. Teako susai lanri manna pole inai. Tenamo nalaKubarakkaki pole ummakKu siagang kasalewangang, kammayatompa tenamo nalaKupappicinikang pangngaiKu siagang pangngamaseangKu mae ri ke'nanga.

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

YEREMIA 22:28

Inakke Yeremia, kukana, “Apaka anjo Karaeng Yoyakhin a'jarimi sanrapang uring reppe' nipelaka siagang tenayamo ningai? Iakami anjo saba'na nanibongkai siagang nipelaki siagang ana'-ana'na mange ri pa'rasangang tenaya naassengi ke'nanga?”

YEREMIA 23:39

laKurappungi ke'nanga nampa kupasambila bella-bella, baji' nakalenna ke'nanga kammayatompa kota le'baka Kupassareang mae ri ke'nanga siagang mae ri boe-boena ke'nanga.

YEREMIA 35:19

Lanri kammana anjo, iNakke, Batara Kaminang Koasaya, iamintu Allata'alana Israel, a'janjiA' angkanaya battu ri jari-jarina Yonadab ana'na Rekhab, tuli lania'na tu bura'ne allayani ri Nakke.”

YEREMIA 52:3

Teai sipato' larroNa Batara mae ri pandudu'na Yerusalem siagang tu Yehuda, sa'genna Nabongka ke'nanga siagang tenamo Nala'langngi pole ke'nanga. Angngewai Zedekia mae ri Nebukadnezar karaeng Babel;

YEREMIA 9:19

Ri Sion nia' kalangngerang sa'ra karru', angkana, “Panrakki' siagang sanna' nipakasiritta. Pa'rasanganta musti nibokoi, sikamma ballatta musti ancuru' tassimbung-simbung.”

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

HOSEA 9:15

Nakana Batara, “Sikontu kaja'dallanna ke'nanga appakkaramulai ri Gilgal. AnjoremMa' appakkaramula birisi' mae ri ke'nanga. Lanri panggaukanna ke'nanga ja'dalaka, laKubongkai ke'nanga battu ri anne pa'rasangangKu. Tenamo nalaKukamaseangi ke'nanga; sikontu pamimpinna ke'nanga angngewa ngasemmi ri Nakke.

ZAKHARIA 3:3

Ammentengi Yosua anjoreng ammakeang care-care sannaka ra'masa'na.

PAOLE 9:26

siagang appala' doamma' angkana, O, Batara Kaminang Tinggia, tea' laloKi' ancuruki anne umma' KalenTa, bansa le'baka Kilappassang siagang Kiantaraka assulu' battu ri butta Mesir lalang kagassingang siagang kakoasang malompoTa.

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

HAKING-HAKING 5:9

Ri sikamma panglimana Israel, ia arrellakangai kalenna, kuparapiki pappakala'birikku sitojeng-tojennaya. Pujimi Batara!

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.