YEREMIA 14:6 - KITTA' MATANGKASA'

⁶ Ri coppo' buluka ammenteng mami keledai liaraka, tenamo naccaya matanna lanri tenanamo ruku'; a'mai' poso sangkamma serigala.

YEREMIA 14:6 ပူးပေါင်းရင်းမြစ်များ

YESAYA 32:14

Ba'lalo balla' lompoa lanibokoi siagang ibukota suaraka la'jari sinoi. Buluka siagang sikamma menara tampa' pa'jaganga le'ba'mi nipasillappara' siagang butta sa'genna satunggu-tungguna. Sikamma keledai liaraka siagang gimbala' liaraka la'lemereki mange-mange a'ruku' anjoreng.

YEREMIA 2:24

nampa antama' ri parang lompo sinoa. Tanakulleai naparrangngi punna battu balere'na. Ia cinnaya taparalluami a'boya' lanri punna wattu pa'lakiang tuli napassareangi kalenna.

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

PIRAUNG 5:17

Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.

YO"EL 1:18

Angngoe'mi olo'-oloka na lussa'; tenamo parang pangnganreanna. Sikamma gimbalaka ta'ronang tommi.

1 SAMUEL 14:29

Appialimi Yonatan angkana, “Teai sipato' ta'liwa'-liwa'na anjo panggaukanna manggeku mae ri bansata! Ciniki, kamma-kamma anne bella baji'na pakkasiakku ri le'bakkumo angnganre sike'de' bani.