YEREMIA 14:4 - KITTA' MATANGKASA'

⁴ Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

YEREMIA 14:4 ပူးပေါင်းရင်းမြစ်များ

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YO"EL 1:11

He pamarria, appiraung mako! He pakoko anggoroka, angngarru' mako! Nasaba' gandung, jelai siagang sikontu wasseleka putta kabusu'mi.

YO"EL 1:17

Matei binea ri butta kalotoroka. Tenamo gandung untu' niboli', na runtummo sikamma pammolikang tenaya bonena a'jari rumbangngang.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

AMOS 4:8

Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.