YEREMIA 14:3 - KITTA' MATANGKASA'

³ Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

YEREMIA 14:3 ပူးပေါင်းရင်းမြစ်များ

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 19:4

Natongkoki karaenga rupanna siagang angngarru' lompomi, angkana, “O, anakku! Anakku Absalom! Absalom anakku!”

1 KARAENG-KARAENG 17:7

Siapa are sallona le'ba'na, kalotoro'mi anjo pangka binangaya lanri tenana bosi.

2 KARAENG-KARAENG 18:31

Teako pilangngeri Hizkia. Inakke, karaeng Asyur ansuroko sollannu assulu' battu ri kotaya siagang nupassareang kalennu. Sinampe' akkullei nukanre rappo anggoro' battua ri koko kalennu, siagang nukasia' rappo ara battua ri poko' ara kalennu, kammayatompa angnginung je'ne' battu ri bungung kalennu,

ESTER 6:12

Le'baki anjo ammotere'mi Mordekhai mange ri pakke'bu' lompona balla' karaenga. Mingka anjo Haman, akkaro-karomi ammotere'. Taerokai nicini' ri tau jaia lanri sanna' siri'-siri'na. Jari nabombo'mi rupanna.

AYUB 6:20

Mingka sia-siai panrannuanna ke'nanga ri biring kaloro' tenaya je'ne'na.

PAMMUJI 109:29

Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.

PAMMUJI 40:14

O, Batara, Kipasalama' laloa', o, Batara sadia maKi' untu' antulunga'!

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

YEREMIA 15:18

Angngapa kutulusu' sessa mamo? Angngapa nasanna' lokokku siagang tena le'bakai ammolle? Maka erokKi' ampakala'bai pa'maikku rapang binanga a'jari kalotoroka ri wattu timoro'?”

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

PIRAUNG 4:4

Ana' lolona tena napasusui, sa'genna mate turere. Appalaki kanre ana'-anaka mingka tena tau assarei.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

YO"EL 1:20

Ba'lalo manna olo'-olo' liaraka ri romanga ammarrang todong mae ri Katte appala' bantuang. Takkulleai ke'nanga naballei turerena, nasaba' sikamma binangaya kalotoro' kabusu'mi.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

AMOS 4:8

Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

ZAKHARIA 14:17

Punna nia' bansa taeroka a'lampa mange ri Yerusalem untu' anynyomba ri Karaeng, Batara Kaminang Koasaya, talanatujuai bosi pa'rasanganna.