YEREMIA 14:2 - KITTA' MATANGKASA'

² “Si'nai pa'mai'na Yehuda a'birimmi kamma mate kota-kotana. Anra'bami naung taunna ri buttaya nakkunrareng. Ammuriciki Yerusalem appala' tulung.

YEREMIA 14:2 ပူးပေါင်းရင်းမြစ်များ

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

PAMMUJI 144:14

Poro sikamma sapita pila' katambangi natena tappela' yareka mate ammana'. Poro tena kalangngerang sa'ra tau pa'risi' ri sikamma oloanga ri kotata.

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

YESAYA 24:11

Lakkio'-kioki taua ri agang-aganga lanri kala'busangi ri je'ne' anggoro'. Tenamo karannuang ri anjo pa'rasanganga sa'genna satunggu-tungguna.

YESAYA 24:4

La'jari kalotoroki siagang kalumengi buttaya, sikontu linoa lata'ronangi. Langika siagang buttaya para lata'ronangi.

YESAYA 24:7

Ta'ronammi poko' anggoroka siagang sukkara'mi nigappa je'ne' anggoroka. Tau rannua riolo kamma-kamma anne si'nami.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

YESAYA 33:9

Nibokoimi pa'rasanganga a'jari sino. Ta'ronammi romang-romanna Libanon, sikamma ka'bunna Saron copponga a'jari sangkammami parang luara'. Ri Basan siagang ri Moncong Karmel ru'rusu'mi leko'-leko' kayua.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

YEREMIA 18:22

Suroi paellaka ti'ring battu ri balla'na ke'nanga, sa'genna ammurici' ke'nanga napakamma malla'. Le'ba'mi ke'nanga angngeke kali'bong sollanna kutu'guru' antama, siagang le'ba'mi ke'nanga attannang sikko' untu' anjakkalakka'.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

YEREMIA 46:12

Katallassannu appakasirika, niassemmi ri bansa-bansaya. Sa'ra ammarrannu nilangngere'mi ri sikontu linoa. Tantara se'rea tatto'roi ri tantara maraenga; para tu'guruki ke'nanga ta'bentang naung ri buttaya.

YEREMIA 8:21

Ancuruki pa'maikku lanri garring lompoi bansaku; susama' nakulussa'.

PIRAUNG 2:8

Le'ba'mi Natappuki Batara angkanaya musti niruntungi tembo'-tembo'na Sion. Le'ba'mi Naukkuru' anjo tembo'-temboka, sollanna akkulle kabusu' Naruntung. Anne kamma sikontu tembo'-tembo'na siagang menarana a'jari loro kabusu'mi.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

YO"EL 1:10

Ancuru'mi kamma-kamma anne sikamma kokoa. Susami buttaya; nasaba' puttami sikontu gandunga, kalotoro'mi rapponna anggoroka, na cappu'mo minynya' zaitunga.

YO"EL 1:11

He pamarria, appiraung mako! He pakoko anggoroka, angngarru' mako! Nasaba' gandung, jelai siagang sikontu wasseleka putta kabusu'mi.

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

YO"EL 2:6

Ri wattu a'bakkana ke'nanga, annekkere' kabusuki taua, sikontu tanjaka pi'lasa' ngaseng kontu tenaya cera'na.

HAGAI 1:11

Kupabattui kakalotoranga mae ri buttaya siagang bulu'-buluka, mae ri koko-koko gandunga, koko-koko anggoroka siagang koko-koko zaitunga, kammayatompa mae ri sikontu lamung-lamung niaka ri anne buttaya, ba'lalo mae ri rupataua siagang olo'-oloka, kammayatompa mae ri sikontu apa nuusahakanga.”

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.

1 SAMUEL 5:12

Tau tenaya namate, nitabai ri anjo garring akkambu'-kambussuluka, sa'genna ammarrang-marrang pandudu'na anjo kotaya mae ri rewata-rewatana ke'nanga, appala' tulung.

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”