YEREMIA 13:23 - KITTA' MATANGKASA'

²³ Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

YEREMIA 13:23 ပူးပေါင်းရင်းမြစ်များ

2 KARAENG-KARAENG 17:40

Mingka tena namappilangngeri anjo pandudu'na Samaria; tuli manna'gala'na ke'nanga ri ada' kabiasanna ke'nanga.

PANGNGEBARANG 27:22

Manna pole nitunrung sarring tau toloa, talalanynyaki katoloanna.

KATO'BA 1:15

Apa a'jekkoa takkulleai nilambusi, na apa tenaya takkulleai nirekeng.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 2:22

Manna pole nu'je'ne' siagang ammake sabung sijaiang, mingka sikamma ra'masa'nu Kucini' tongiji.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 9:5

Yangasenna massing sitipu-tipui, tenamo a'bicara lambusu'. Biasami bawana a'balle-balle, tanakulleai ambokoi dosana. Tuli kapallakkang, tuli pannipuang nagaukanga tojeng ke'nanga, nasorongboko tojemmi ke'nanga Batara.

1 SAMUEL 19:21

Ri wattunna battu anjo kabaraka mange ri Saul, akkirimmi tau maraeng. Mingka amminawang tommi anjo ke'nanga a'joge'-joge' siagang akkiok-kio'. Makapintallunna akkirimmi pole Saul, mingka kamma tomminjo kajariang mae ri ke'nanga.