YEREMIA 13:22 - KITTA' MATANGKASA'

²² Gassingka akkuta'nangko angkana angngapa nabattu ngaseng anjo sikammaya antujuko, angngapa nanikae pakeannu siagang angngapa nanigau' bawangko. Parallui nuasseng angkanaya nakajariang anjo sikammaya lanri lompo duduna dosanu.

YEREMIA 13:22 ပူးပေါင်းရင်းမြစ်များ

YESAYA 20:4

Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.

YESAYA 3:17

Mingka laKuhukkungi ke'nanga; larassi puru-puru ulunna ke'nanga siagang lanigondoloki.”

YESAYA 47:8

Lanri kammana anjo pilangngeriA', he ikau nungaia angngondanga kasannangngang! Nukapangi angkana amangi katallassannu, siagang tena sangkammannu. Tanupikkirai angkana la'jari jandako, siagang talapanrakai turungannu.

YEREMIA 13:26

KalengKu angkaei pakeanga battu ri kalennu sollannu a'jari assolara' siagang a'jari siri'-siri'.

YEREMIA 14:16

Sikamma tau antarimaya anjo sikamma botona ke'nanga lanibuno kamma tongi anjo carana. Lanipasambilai maya'na ke'nanga mange ri sikamma agang-aganga ri Yerusalem natena antarawangi ke'nanga. Kammami anjo sarenna ke'nanga siagang tubai'-bainena siagang ana'na ke'nanga. LaKusarei ke'nanga angkasiaki apa kale'bakkanna kaja'dallanna ke'nanga.”

YEREMIA 5:19

Mingka punna akkuta'nang ke'nanga angkana angngapa naKugaukang ngaseng anjo sikammaya mae ri ke'nanga, pauangi Yeremia, angkanaya antekamma batena ke'nanga ambokoiA' ri pa'rasangang kalenna ke'nanga untu' anynyomba ri rewata-rewatana bansa maraenga, kamma tomminjo la'jari atai ke'nanga ri bansa-bansa maraeng ri pa'rasangang maraeng.”

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

YEHEZKIEL 23:26

Lanisolarriko siagang lanirampasaki sikamma belo-belonu.

HOSEA 12:8

Nakana Batara ri bansa Israel, “Jekkong ngasengko sangkamma tu Kanaan; sikamma padanggannu nangai natipu sambalu'na ammake timbangang tenaya nannaba.

HOSEA 2:10

LaKusolarri ri dallekanna sikontu tanrinna. Na tena manna sitau battu ri ke'nanga akkulle allappassangi battu ri kakoasangKu.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

NAHUM 3:5

Nakana Batara Kaminang Koasaya, “He Niniwe laKusessako! Kusungkei pakeannu ri dallekanna bansa-bansaya, sa'genna nacini' ngaseng ke'nanga kodinu.

ZEFANYA 1:12

Anjo wattua langngalleA' sulo, na Kuparessa kota Yerusalem. LaKuhukkungi pandudu'na tamanjampangia siagang nakanaya ganna'mi ri kalenna, siagang appikkirika angkanaya iNakke anne, Batara, tale'baKa' angngalle tindakang kamma anne yareka kamma anjo.

PAOLE 18:21

Nakulle kapang erokko angngassengi angkanaya, ‘Apaka anjo pasanna se'rea na'bi pappasang battu ri Batara yareka tena.’

PAOLE 7:17

Gassing nupikkiriki angkanaya la'bi jaiangngangi anjo bansa-bansaya sa'genna tanukulleai ambongkai ke'nanga.

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.