YEREMIA 13:19 - KITTA' MATANGKASA'

¹⁹ Kota-kotana Yehuda ri bageang timboroka nikurungi ri musu, siagang tenamo akkulle antarrusuki anjo pakkurunga. Sikontu tu Yehuda niengka' ngasengi mange ri butta pammelakkanga.”

YEREMIA 13:19 ပူးပေါင်းရင်းမြစ်များ

2 KARAENG-KARAENG 25:21

ri daera Hamat. Anjorengi ke'nanga nisessa nampa nibuno. Kammami anjo batena tu Yehuda niengka' battu ri pa'rasanganna ke'nanga nampa nierang mange ri butta pammelakkanga.

1 PATTOTTORANG 9:1

Sikontu Tu Israelka nicataki situru' massing kaluargana ke'nanga. Anjo pattottoranga nicataki lalang ri kitta' Sikamma Karaenga ri Israel. Salaku hukkungang mae ri kota-kotana kenanga, nierammi ra'ya'na Yehuda mange ri butta pammelakkanga.

AYUB 12:14

Apa le'baka Narumbang takkulleai nibangung poleang inai Natahang takkulleai bebasa' ammotere'.

YEREMIA 17:26

Sikamma tau niaka battu ri kota-kota Yehuda, kammayatompa battu ri desa-desa niaka ri tammulilina Yerusalem; laniaki ke'nanga battu ri daera Benyamin, battu ri daera bangkeng buluka, battu ri daera monconga siagang battu ri daera Yehuda bageang timboro'. Langngerangi ke'nanga mange ri BallakKu iamintu olo'-olo' lanipare' koro'bang, baji' lanitunua kammayatompa tenaya, kammayatompa gandung passare, kamanynyang, siagang passare kasukkurang.

YEREMIA 20:4

KalenNa Batara angkana, ‘Lanipa'jariko pabuno-buno ri kalennu tonji siagang mae ri agang-agannu tonji. Lanuciniki ke'nanga nibuno ri musunna ke'nanga. Sikontu tu Yehuda laKubalang parekangi nikoasai ri karaeng Babel; sipa'gang battu ri ke'nanga lanaengkaki salaku tunitahang mange ri Babel, nampa la'binna nibunoi.

YEREMIA 24:1

Ri se'reang wattu, ri le'ba'namo Yoyakhin ana' bura'nena Yoyakim karaeng Yehuda siagang sikamma tau anna'galaka pamarentahang ri Yehuda, sikamma pajamaya, sikamma panrea, niengka' ri Nebukadnezar karaeng Babel, nampa nierang salaku tunitahang battu ri Yerusalem mange ri Babel, Nasarema' paccini' Batara. Nia' kucini' rua baku' rassi siagang rappo ara ta'dongko' ri dallekang Balla'Na Batara.

YEREMIA 28:4

LaKuerang tongi ammotere' Yoyakhin ana' bura'nena Yoyakim karaeng Yehuda, siagang sikontu ra'ya' Yehuda ia le'baka niengka' mange ri Babel. Tojeng, laKupa'jari pesoki kagassinganna Babel. INakke, Batara, anne akkana.”

YEREMIA 32:44

sura' pammallina lanitekengi, nisarei segele', siagang nitekengi ri sa'bi-sa'bi. Anjo kammaya lakajariangi ri daerana Benyamin, ri desa-desa tammulilina Yerusalem, ri kota-kota Yehuda, ri kota-kota ri daera monconga, ri daera bangkeng buluka, siagang ri Yehuda bageang timboro'. Anne bansaya laKupakabajiki ammotere' katallassanna ri anne pa'rasanganga. INakke, Batara, anne akkana.”

YEREMIA 33:13

Ri kota-kota ri daera monconga, ri bangkeng buluka, daera Yehuda bageang timboro', siagang ri daerana Benyamin, ri desa-desa niaka ri tammulilina Yerusalem, kammayatompa ri kota-kota Yehuda, lanabilangi ammotere' gimbala'na sikamma pakalawakia. INakke, Batara, anne akkana.”

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

YEREMIA 52:27

ri daera Hamat. Anjorengi nisessa ke'nanga, nampa nibuno. Kammami anjo niengka'na tu Yehuda battu ri pa'rasanganna ke'nanga nampa nierang mange ri butta pammelakkanga;

YEREMIA 52:28

yangasenna ke'nanga nia' 4.600 tau jaina. Naengkaki Nebukadnezar ke'nanga kamma anne: 3.023 ri taung makatuju pamarentahanna, 832 jaina battu ri Yerusalem ri taung makasampulo assagantuju pamarentahanna, siagang 745 jaina niengka' ri Nebuzaradan ri taung makaruampulo antallu pamarentahanna Nebukadnezar.

PIRAUNG 1:3

Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.

ZAKHARIA 7:7

Iaminjo Napaua Batara tete ri na'bi-na'biNa ri jammang allaloa ri wattunna nipammantangngi ija Yerusalem siagang coppong katallassanna pandudu'na. Anjo wattua tena nanjorenja ri desa-desa ri tammulilina kotaya ammantang taua, mingka ba'lalo ri bageang timboro' siagang ri bangkeng-bangkeng bulu' niaka ri bageang ilau'.

PAOLE 28:15

“Mingka punna taerokako mannuruki ri Karaeng Allata'alanu, siagang tamajarrekai pa'mai'nu anggaukangi sikontu parentaNa siagang hukkunNa kupassareanga mae ri kau anne alloa, sikontu anne pattunra kammaya lanatujuko:

PAOLE 28:52

Lanabunduki ngasengi sikamma kota niaka ri pa'rasangang Napassareanga Karaeng Allata'alanu mae ri kau. Anjo tembo'-tembo' kalli' tinggia siagang nukanaya kassa' siagang nupattoanga laruntung ngasengi.

YOSUA 18:5

Anjo buttaya musti nibagei a'jari tuju bageang. Suku Yehuda lammantang tulimi ri daera bageang timboro', nampa Yusuf ri daera bageang wara'.