YEREMIA 13:14 - KITTA' MATANGKASA'

¹⁴ Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 13:14 ပူးပေါင်းရင်းမြစ်များ

2 PATTOTTORANG 20:23

Tantara Amon siagang Moab ambakkai tantara Edom nampa naancuru' tabasikali. Nampa a'giling ke'nanga para ia sibakkai a'bundu' lompo.

AYUB 27:22

Nilissara'mi tanikamaseangnga, na tarpassa lari a'boya pa'la'langngang.

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YEREMIA 15:5

Nakana Batara, “He pandudu'na Yerusalem, inai langkamaseangko? Inai ero' lasi'na nyawana lanri ikau? Inai ero' assengka ampakkuta'nangngangi antekamma katallassannu?

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

YEREMIA 16:5

Teako a'lampai mae ri balla'na tau natabaya susa, Yeremia. Teako susai lanri manna pole inai. Tenamo nalaKubarakkaki pole ummakKu siagang kasalewangang, kammayatompa tenamo nalaKupappicinikang pangngaiKu siagang pangngamaseangKu mae ri ke'nanga.

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 25:16

Punna nainungi ke'nanga, lata'royong-royongi ke'nanga siagang kala'busang pikkirammi lanri pa'bundukang Kupabattua mae ri ke'nanga.”

YEREMIA 47:3

Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

YEREMIA 48:12

Mingka, lanarapiki sallang wattunna naKupassuroang sollanna nipatiri' Moab rapang anggoro', siagang sikamma tampa'na nikosongi siagang nireppeki.

YEREMIA 6:21

LaKupatatto'roi ke'nanga sollanna tu'guru'. Mangge siagang ana', agang siagang siampi' balla', yangasenna lapanra' ngasengi.”

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

YEHEZKIEL 7:3

Nakana Batara, “He Israel, kamma-kamma anne narapi'mi wattu kale'bakkannu. Lanupisa'ringi pangngalarroingKu. Kuadeliko situru' panggaukannu kodia.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

YEHEZKIEL 9:5

Kulangngereki Allata'ala angkana mae ri tau maraengannaya, “Amminawangko ri ia mange ri sikontu kotaya siagang bunoi tunggala' taua, teako pammopporangngi.

HOSEA 2:4

Ikau ana'-ana'na, tena nalaKukamaseangko; ikau lassukko battu ri gau' passundallang.

ZAKHARIA 11:6

TaerokaMa' mangngamaseang pole manna pole mae ri nai anrinni ri pa'rasanganga. KalengKu lampassareangi sikontu pandudu'na mae ri sikamma tukoasaya. Anjo ke'nanga langngancuruki anne pa'rasanganga, nampa tena nalaKurampasa' ammotere' battu ri kakoasanna ke'nanga.”

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

MARKUS 13:12

Lanapassareangi taua sari'battang kalenna nasuro buno; kammayatompa se'rea mangge lanapassareangi ana' kalenna nasuro buno. Ana'-anaka lanaewai siagang lanapassareangi nasuro buno anrong-manggena.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

1 SAMUEL 14:16

Lalanna anjo wattua, tantarana Saul niaka a'jaga ri Gibea ri daera Benyamin, nacini'mi tu Filistin piti lari-lari nipakamma ri kalinguang sanna'.