YEREMIA 12:9 - KITTA' MATANGKASA'

⁹ Rapangi ke'nanga jangang-jangang nibuccuka ri balangkoa' battu ri kere-keremae. Kioki sikontu olo'-olo' niaka ri romanga untu' amminawang ampaccappuki ke'nanga.

YEREMIA 12:9 ပူးပေါင်းရင်းမြစ်များ

2 KARAENG-KARAENG 24:2

Appabattui Batara garombolang-garombolang angngeranga sanjata battu ri Babel, Siria, Moab siagang Amon untu' angngewai Yoyakim siagang angngancuruki Yehuda, situru' apa le'baka Nakanang tete ri sikamma na'bi-na'bia atanNa.

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 56:9

Nasuroi Batara bansa-bansa maraenga battu rapang olo'-olo' sekke' untu' ambakkai nakokko' umma'Na.

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.

YEREMIA 34:20

LaKupassareangko mae ri musu eroka ambunoko. Maya'nu lanikanrei ri jangang-jangang yareka olo'-olo' sekkeka.

YEREMIA 7:33

Sikamma maya'na ke'nanga la'jari kanre-kanreangi mae ri jangang-janganga siagang olo'-olo' sekkeka, nampa tena tau ambongkai.

PIRAUNG 1:17

Kupatarai limangku appala' tulung, mingka taenamo ero' ansaleoria'. Attammulili musua Napabattu Batara; battui ke'nanga ambundukia'. Nipare' kamma mama' loro, apa appakaringi' ri alla'na ke'nanga.

YEHEZKIEL 34:5

Lanri tenana pakalawakinna, anjo gimbalaka tassiara'mi na nikanre ri olo'-olo' sekke'.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.