YEREMIA 12:6 - KITTA' MATANGKASA'

⁶ Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 12:6 ပူးပေါင်းရင်းမြစ်များ

AYUB 6:15

Mingka ikau ngaseng, he agang-agangku, takkulleako nipatappa' siagang nirannuang. Sanrapangko kaloro' cappuka je'ne'na, punna tena nabattu bosia.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 12:3

Para siballe-ballei ngasemmi ke'nanga, massing sitipumi siagang kana-kana te'ne.

PAMMUJI 69:8

Saba' lanri iKattemi nakunihina, lanri iKattemi nakunicalla.

PANGNGEBARANG 23:8

Anjo sallang apa le'baka nua'lu' nulangngeangi ammotere', na sikontu kana-kana te'nenu mae ri ia tena matu-matunna.

PANGNGEBARANG 26:25

Manna nasombere', teako patappakki; lanri kabirisanga angkoasai atinna.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 11:21

Nakellai sikalia' taua ri kota Anatot sollangku mate. Nakana ke'nanga, “Punna tulusu' nupabattuna pasang-pasanNa Batara mae ri kambe, lanibunoko ri kambe.”

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEREMIA 9:2

Ka'de' kukkulle anggappa ri parang luara' pa'bangngiang untu' tau lalang pa'jappang! Lakubokoi bansaku, kulari mange anjoreng untu' ampakabellai kalengku battu ri ke'nanga. Tau pabali' ballang ngasengi ke'nanga, passe'reang tau tenaya namajarre' pa'mai'na,

YEREMIA 9:3

siagang tau tuli sadia a'balle-balle. Ri sikontu pa'rasangang, tena koasana katojenganga, ba'lalo kajekkonganga teai sipato' jaina. Nakana Batara, “Tena ammari-marina ummakKu anggaukangi kaja'dallanga, tena naaniA' salaku Allata'alana ke'nanga.”

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

YEREMIA 9:5

Yangasenna massing sitipu-tipui, tenamo a'bicara lambusu'. Biasami bawana a'balle-balle, tanakulleai ambokoi dosana. Tuli kapallakkang, tuli pannipuang nagaukanga tojeng ke'nanga, nasorongboko tojemmi ke'nanga Batara.

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

MARKUS 12:12

Nalangngere'na pamimping-pamimpinna tu Yahudia anjo pangngebaranga naassemmi angkanaya kalenna ke'nanga nataba anjo pangngebaranga. Jari usahami ke'nanga ero' ambunoi Isa. Mingka mallaki ke'nanga ri tau jaia. Jari a'lampami ke'nanga ambokoi Isa.

YOHANES 7:5

Nasaba' manna sari'battang KalenNa ngaseng tena natappa' ri Ia.)

LAMPA-LAMPANA 16:22

Battu ngaseng tommi tau jaia ero' ambakkai Paulus siagang Silas; nakekke'mi pamarentaya pakeanna anjo ruaya tunisuroNa Allata'ala, nampa nasuro taua ancamboki ke'nanga.

LAMPA-LAMPANA 18:12

Ri wattunna Galio a'jari Guburnur ri Akhaya, assamaturu'mi tu Yahudia ambaliangi Paulus nanaerang mange ri pangadelanga natuntu'.