YEREMIA 11:4 - KITTA' MATANGKASA'

⁴ Le'ba'mi Kupare' anjo parjanjianga siagang boe-boena ke'nanga ri wattunna Kuerang ke'nanga assulu' battu ri Mesir, iamintu pa'rasangang rapanga naraka mae ri ke'nanga. Kusuroi ke'nanga mannuruki mae ri Nakke siagang nagaukang sikontu apa le'baka Kuparentakang. Kamma-kamma anne Kupau tommi mae ri tu Yehuda siagang pandudu'na Yerusalem angkanaya punna mannuruki ke'nanga ri Nakke, la'jarimi ke'nanga ummakKu siagang iNakke Allata'alana ke'nanga.

YEREMIA 11:4 ပူးပေါင်းရင်းမြစ်များ

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

1 KARAENG-KARAENG 8:51

Iami ke'nanga umma' kalenTa, ia Kieranga assulu' battu ri Mesir, pa'rasangang le'baka napammantangi ke'nanga nisessa.

2 KARAENG-KARAENG 18:6

siagang majarreki mae ri Ia. Tena nale'ba' angngewa ri Batara. Sikontu parentaNa Batara nipassareanga tete ri Musa, nituruki tojeng-tojengi ri Hizkia.

KALAPPASSANG 20:6

Mingka Kupappicinikangi pangngamaseangKu mae ri assa'bu-sa'bua jari-jarina tau mangngaia mae ri Nakke siagang mannurukia mae ri parentaKu.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 48:10

Kuso'riko lalang ri pepe' kasessanga, rapang pera' nipakati'noka lalang ri pepeka.

YEREMIA 11:7

Ri wattunna Kuerang boe-boena ke'nanga assulu' battu ri Mesir, Kuterassi Kupakainga' ke'nanga sollanna mannuruki ri Nakke. Manna sa'genna ri kamma-kammaya anne tulusu' Kupakainga'na ummakKu ri anjo passalaka,

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 26:13

Lanri kammana pinrami gau' katallassannu siagang panggaukang-panggaukannu; turuki Karaeng Allata'alanu, sollanna taNapa'jaria ero'Na untu' ampitujuiko kacilakang.

YEREMIA 32:28

Anne kotaya laKulappassangi nikoasai ri Nebukadnezar karaeng Babel siagang pasukanna. Lanaallei ke'nanga anne kotaya,

YEREMIA 38:20

Appialima' angkana, “Tena! Tena nalanipassareangki' mae ri ke'nanga karaeng. Kupala' dudui mae ri katte sollanna kituruki pasanNa Batara; yangasenna sallang la'jappa bajiki, siagang tena kilanibuno karaeng.

YEHEZKIEL 11:20

Jari lamannurukimi ke'nanga ri paratorang-paratorangKu siagang majarreki ke'nanga anggaukangi sikontu parentaKu. Ke'nanga la'jari ummakKu siagang iNakke la'jari Allata'alana ke'nanga.

YEHEZKIEL 14:11

Yangasenna anjo kammaya Kugaukangi sollanna tu Israel tenamo napakabellai pole kalenna battu ri Nakke siagang tenamo nara'massi pole kalenna lanri dosa. Lanri kammana anjo la'jarimi ke'nanga ummakKu na iNakke a'jari Allata'alana ke'nanga.” INakke, Batara Kaminang Tinggia anne akkana.

YEHEZKIEL 36:28

Jari lammantang mako ri butta le'baka Kupassareang mae ri boe-boenu. La'jariko ummakKu, siagang iNakke la'jari Allata'alanu.

YEHEZKIEL 37:23

Tenamo nalanara'massi pole kalenna ke'nanga lanri nagaukanna dosaya siagang anynyombana ri barhalaya, appakaringi'-ringika. LaKupakabebasaki ke'nanga battu ri sikontu sala panggaukanga, ampakabellayai ke'nanga battu ri Nakke. LaKutangkasi ke'nanga; la'jari ke'nanga ummakKu, siagang iNakke Allata'alana ke'nanga.

YEHEZKIEL 37:27

LammantangA' siagang ke'nanga; iNakke la'jari Allata'alana ke'nanga, siagang ke'nanga la'jari ummakKu.

DANIEL 3:26

Nampa a'reppese' Nebukadnezar mae ri pakke'bu'na anjo pepe' pattunuanga siagang ammarrang angkana, “O Sadrakh, Mesakh siagang Abednego, atanNa Allata'ala Kaminang Tinggia! Assulu' mako battu ri antu pepeka!” Jari assulu'mi ke'nanga.

KAIMANGNGANG 26:12

INakke larrurungangko; iNakke la'jari Allata'alanu, na ikau la'jari ummakKu.

KAIMANGNGANG 26:3

Punna nuturuki paratorang-paratorangKu siagang parenta-parentaKu lalang tallasa'nu,

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

ZAKHARIA 6:15

Labattui tau battua ri tampa' bellaya siagang nabantui ke'nanga ambangungi BallakKu. Punna le'ba' anjo pambangunanga, lanaassemmi ke'nanga angkana iNakke Batara Kaminang Koasaya le'ba' assuroko battu mae ri ke'nanga. Sikontu anjo kammaya lakajariang ngasengi punna naturuki tojeng-tojeng ke'nanga sikamma parentaKu, Karaeng Allata'alana ke'nanga.”

ZAKHARIA 8:8

nampa Kuerang ammotere' ke'nanga battu iraya siagang battu lau', sa'genna ammantang pole ke'nanga ri Yerusalem. La'jari ke'nanga ummakKu siagang iNakke a'jari Allata'alana ke'nanga. INakke lammarenta mae ri ke'nanga lalang kajarrekang siagang kaadelang.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

PAOLE 11:27

Lanibarakkakiko punna mannurukiko ri parenta-parentaNa Karaeng Allata'alanu, ia kupabattua mae ri kau anne alloa.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

PAOLE 5:6

Napappiassengangi Batara angkana, ‘INakke Karaeng Allata'alanu le'baka angngerangko assulu' battu ri butta Mesir, tampa'nu nipare' ata.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.