YEREMIA 11:18 - KITTA' MATANGKASA'

¹⁸ Napauanga' Batara ri passala'na rancana ja'dala'na musu-musua mae ri nakke.

YEREMIA 11:18 ပူးပေါင်းရင်းမြစ်များ

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

MATIUS 21:3

Punna nia' angkuta'nangko, pauammi patanna angkana, ‘Naparalluangi Batara,’ napassareang mintu nuerang anjo keledaia.”

ROMA 3:7

Mingka punna pila' a'nyata apa tojenga battu ri Allata'ala lanri panggaukang tenaya nannaba, sa'genna nipakala'biri' Allata'ala, angngapa nanisalakangija tau a'gau' ja'dalaka, salaku tau doraka?