YEREMIA 11:12 - KITTA' MATANGKASA'

¹² Nampa a'lampa tu Yehuda siagang pandudu'na Yerusalem mange appala' tulung ri rewata-rewata maraeng napakalompoa assare koro'bang. Tena nalanakulle anjo rewata-rewataya ampasalamaki ke'nanga ri wattunna battu balaya.

YEREMIA 11:12 ပူးပေါင်းရင်းမြစ်များ

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YESAYA 46:7

Anjo patunga napakui nampa naboli' ri tampa'na, ammenteng anjoreng takkullea a'lette'. Punna appala' doang taua ri ia, tappialiai, natena napasalamaki taua battu ri kasusaanna.

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

PAOLE 32:37

Lakkuta'nangi Batara mae ri umma'Na, ‘Kemae rewata-rewata assarea pa'la'langngang?’

PAOLE 32:38

Nusarea angnganre koro'bang jaia jannana, angnginunga jai je'ne' anggoro'. Lappassammi natulungko ke'nanga; suromi ke'nanga battu untu' ampasalamakko ri kamma-kammaya anne.

HAKING-HAKING 10:14

A'lampamako mange ri anjo rewata-rewata le'baka nupile. Akkio'mako mae ri ke'nanga! Boli'mi kamma naanjo ke'nanga antulungko ri wattu lalannu ri kasukkaranga.”