YEREMIA 10:9 - KITTA' MATANGKASA'

⁹ Nilapisiki siagang bulaeng na pera' nieranga battu ri Spanyol siagang kota Ufas, yangasenna bate pare'na tucara'deka siagang panre bulaenga. Pakeanna battu ri kaeng lame butung toa siagang lame butung lolo cura'na, bate jamana tau cara'deka attannung baji'.

YEREMIA 10:9 ပူးပေါင်းရင်းမြစ်များ

1 KARAENG-KARAENG 10:22

Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

2 PATTOTTORANG 9:21

Jai todong kappala' lompona Salomo assombalaka ri tamparang lompoa siagang kappala'-kappala'na Hiram. Tallun taung sikali ammotereki sikamma anjo kappalaka angngerang bulaeng, pera', gading gaja, dare' siagang jangang-jangang ga'ga.

PAMMUJI 115:4

Barhalana ke'nanga battu ri bulaeng siagang pera' nipare', bate pare' limanna ke'nanga.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

YESAYA 23:6

Appiraung mako siagang lari mako mange ri Tarsis, he pandudu' niaka ri biring tamparanga.

YESAYA 40:19

Tena Nasangkamma patung napareka tukang-tukang, patung nilapisika bulaeng siagang nilapaka pera'.

YEHEZKIEL 27:12

Nubalukangi anjo barang-barang danggangannu alla'bi-la'bia ri Spanyol; na salaku ballinna annarima mako pera', bassi, tima kebo', siagang tima le'leng.

YEHEZKIEL 27:7

Sombala' siagang areng pammateinu battu ri kaeng lenang nipare', pare' Mesir, a'rupa-rupa sulanna. Tamaka alusu'na bahanna tenda-tendanu, kaeng battu ri Siprus, cura' lame butung.

DANIEL 10:5

Acconga' nania' kucini' sitau ammake pakeang lenang siagang passikko' aya' bulaeng ti'no'.

HOSEA 8:6

Anjo sapi bulaeng nisombaya ri Samaria bate pare'na sikamma tau cara'de'na tu Israel! Anjo kammaya teai Allata'ala, siagang musti niancuruki!

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.