YEREMIA 10:8 - KITTA' MATANGKASA'

⁸ Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

YEREMIA 10:8 ပူးပေါင်းရင်းမြစ်များ

PAMMUJI 115:8

Poro kamma tomminjo sarenna sikamma tau amparekai, siagang sikamma tau tappaka mae ri ia.

PAMMUJI 135:18

Tapporo kamma tomminjo sarenna tau amparekai, siagang tau tappaka mae ri ia.

YESAYA 41:29

Tojeng, anjo rewata-rewataya tena matu-matunna, patung nipare'ji ke'nanga, tenaya kullena, tenaya nakkulle appare' apa-apa.”

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YESAYA 44:19

Tanarapikai napikkiri' anjo papare' patunga angkanaya, “Anjo kayua kutunui sipa'gang, siagang cumi'na kupakei untu' attunu roti siagang allangga dageng untu' kukanre. Nampa sesanna anjo kayua kupa'jari patung. Jari kamma-kamma anne anynyomba' sipolong kayu!”

YEREMIA 10:14

Nacini'na ngaseng anjo sikammaya sadara'mi rupataua, angkanaya ia dongoki siagang tena pammahanna. Sikamma panre bulaenga siri'-siri' ngaseng, nasaba' anjo patung barhala bate pare'na anu palusu' siagang tena na'nyawa.

YEREMIA 2:27

Lanipakasirikko, lanri sipolong kayu nukio' bapa' siagang se're batu nukio' amma'. Tena nubattu mae ri Nakke, passangalinna nubokoiA'. Mingka punna battu kasukkaranga, nampami iNakke nukio' untu' battu ampasalamakko.

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:4

Kupikkiriki angkanaya, “Ah, anjo ke'nanga poro ra'ya' biasaji bawang tenaya apa-apa naasseng. A'gau' toloi ke'nanga, lanri tanaassengai apa Nakaerokia siagang Natuntuka Karaeng Allata'ala battu ri ke'nanga.

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

HABAKUK 2:18

Nitunraiko ikau! Nukana mae ri kayu sipolonga, “Ambangnungko!” yareka mae ri batu lompoa angkana, “Ammentengko!” Maka akkullei se'rea patung a'bicara mae ri kau? Nakulle anjo patunga nilapisiki bulaeng siagang pera', mingka tena nyawa ri ia. Apa matu-matunna patung barhalaya? Anjo poro bate pare'na rupataua. Apa nugappaya battu ri ia poro balle-balle bawang. Tena bua'-bua'na katappakkanna papare' barhalaya mae ri bate pare' limanna, tenaya nakkulle appau.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.