YEREMIA 10:20 - KITTA' MATANGKASA'

²⁰ Panra'mi kemana ikambe, siagang tappu' ngasemmi sikamma otere'na. Tenamo akkulle ambangung kema siagang ampatabai kaeng-kaenna, lanri a'lampa ngasemmi ana'-anaka.”

YEREMIA 10:20 ပူးပေါင်းရင်းမြစ်များ

AYUB 7:8

Anne kamma Kicini'ma', mingka tasalloami. Punna Kiboya' sinampe', tenama'.

PANGNGEBARANG 12:7

Tau ja'dalaka latu'guruki napanra' tena bate-batena; mingka tau bajika latuli jarreki sikontu turungang.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 51:18

Battu ri pandudu'nu tena anrurungangko, battu ri tummantannu tena angnguluko.

YESAYA 54:2

Luarrimi kema-kema pammantangannu; la'bui otere'na siagang pakajarreki patto'-patto'na!

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

PIRAUNG 1:5

Pore ngasemmi musu-musunna lanri akkullena nakoasai ke'nanga. Nipa'risi ri Batara, lanri majaina dosana. Nitahammi pandudu'na, na nilaling mange ri butta pammelakkang.

MIKHA 2:9

Tubai'-bainea ri ummakKu nubongkai battu ri balla' nakarimangngia, siagang nurampasaki sa'genna satunggu-tungguna barakka' Kupassareanga mae ri ana'-ana'na ke'nanga.