YEREMIA 10:19 - KITTA' MATANGKASA'

¹⁹ Akkio'mi pandudu'na Yerusalem angkana, “Sannaki loko'na ikambe siagang takkulleami pia. Riolo nakapangi ikambe angkanaya anne pa'risika akkulleji natanggong ikambe, padahala' tena padeng.

YEREMIA 10:19 ပူးပေါင်းရင်းမြစ်များ

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

PAMMUJI 77:10

Nakaluppaimika Allata'ala untu' angngamaseang? Larroika, sa'genna tenamo pangngamaseanNa?”

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 14:7

Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

YEREMIA 8:21

Ancuruki pa'maikku lanri garring lompoi bansaku; susama' nakulussa'.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

PIRAUNG 3:48

Ammatti' je'ne' matangku rapang je'ne' binanga assolong lanri ancuru'namo bansaku.

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.