YEREMIA 10:13 - KITTA' MATANGKASA'

¹³ Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

YEREMIA 10:13 ပူးပေါင်းရင်းမြစ်များ

PA'JARIANG 2:5

tenapa bine attimbo siagang tenapa lamung-lamungang ri buttaya, lanri tenapa Napaturungi Batara bosia siagang tenapa tau lanjamai anjo buttaya.

1 KARAENG-KARAENG 18:41

Le'baki anjo nakanamo Elia ri Karaeng Ahab, “Kamma-kamma anne baji'mi punna a'lampa maki' mange angnganre. Sinampe' mami nalabosi, nasaba' kalangngerammi ammarrung.”

AYUB 38:22

Le'bakkako mange angkunjungi gudang-gudangKu tampa' je'ne' eska siagang je'ne' batua,

PAMMUJI 104:13

Battu ri langi' Kipaturung bosia ri moncong-monconga, rassi linoa siagang bate paretTa.

PAMMUJI 135:17

Nia' tolinna, mingka takkulleai allangngere', battu ri bawana tena nappasa' assulu'.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

PAMMUJI 18:13

Battu ri kila' niaka ri dallekanna, assuluki rammanga, bosi a'batu siagang pepe'.

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

KALAPPASSANG 9:23

Naangka'mi takkanna Musa nai', nampa Napaturummo Batara gunturuka siagang bosi eska, kammayatompa kilaka antujui buttaya. Napabattumi Batara

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 19:12

Anne kotaya siagang pandudu'na laKupa'jari sangkamma Tofet.

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

YEREMIA 51:16

Poro assareji bawang parenta, nammarrummo je'neka battu ri passimbanga. Battu ri cappa'na buttaya Napabattui rammanga, nampa Napare' kila' tassioroka lalang ri bosia, na Napabattu anginga battu ri pammolikanna.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

ZAKHARIA 10:1

Punna battu wattu accu'la'na lamung-lamunga, appalakko bosi mae ri Batara. Na laNapa'rappungi Batara rammang lappaturunga bosi, siagang laNapaturungi bosi lompoa sa'genna a'jari moncongbulo nicini' sikamma kokoa siagang a'jari baji' mange ri yangasenna taua.