YEREMIA 1:7 - KITTA' MATANGKASA'

⁷ Mingka appiali Batara angkana, “Teako angkanai rungka dudu ija'. Punna Kusuroko mange manna pole ri nai, musti a'lampako, siagang sikontu apa Kusuro paua, musti nupabattui mae ri ke'nanga.

YEREMIA 1:7 ပူးပေါင်းရင်းမြစ်များ

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

1 KARAENG-KARAENG 3:7

O Batara, Allata'alaku, Kiangkaka' a'jari karaeng ansambeangi manggeku, manna kurungka dudu ija siagang takuassengapi angkanaya antekamma carana ammarenta.

2 PATTOTTORANG 18:13

Mingka appialimi Mikha angkana, “Lanri Batara mattallasaka, inakke iaji bawang lakutappu apa Napaua Allata'ala mae ri nakke!”

KALAPPASSANG 6:29

Mingka appialimi Musa angkana, “O, Batara, Kiassengi angkanaya tena kucara'de' a'bicara. Antekamma batena lakkulle karaenga ampilangngeria?”

YEREMIA 26:2

Nakanamo Batara ri nakke, “A'lampako mange ammenteng ri paranglakkeng luara'na BallakKu nampa a'bicara mako mae ri pandudu'na Yehuda battua anynyomba anjoreng. Pabattui mae ri ke'nanga sikontu apa Kuparentakanga mae ri kau untu' nupabattu mae ri ke'nanga. Teako kurangngi manna sike'de'.

YEREMIA 43:1

PasanNa Batara, iamintu Allata'alana Israel, ia mustia kupabattu mae ri ra'yaka, le'ba' ngasemmi kupabattu.

YEREMIA 7:27

Nampa Nakana Batara, “Lanri kammana, he Yeremia, manna pole nupau ngaseng anjo sikammaya mae ri ummakKu, tena nalanapilangngeri ke'nanga kana-kanannu. Manna pole nukio' ke'nanga, mingka tena nalappiali ke'nanga.

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

YEHEZKIEL 3:27

Sallang, punna a'bicarA' pole mae ri kau, nampa Kupa'jari akkulleko ammotere' a'bicara, musti nupabattui kanangKu, iNakke, Batara Kaminang Tinggia, mae ri ke'nanga. Sipa'gang ke'nanga lappilangngeri, mingka sipa'gang maraenga tena, lanri anjo ke'nanga bansa nangai angngewaya.”

AMOS 7:15

Mingka Naallea' Batara battu ri jama-jamangku, siagang Nasuroa' ampabattui pasanNa mae ri tu Israel.

YUNUS 3:2

Nakana, “A'lampako mange ri Niniwe, anjo kota lompoa, siagang pabattui mae ri ra'yaka, pasang Kupassareanga mae ri kau.”

PAMMILANGNGANG 22:20

Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

PAMMILANGNGANG 22:38

Appialimi Bileam angkana, “Kamma-kamma anne nia'ma' battu. Mingka tena hakku la'bicara apa-apa pantaranganna punna Nasuroa' Allata'ala ampaui.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LAMPA-LAMPANA 20:27

Tena nakule'ba' ampilari tugasakku untu' ampakasingariangko sikontu apa eroka Nagaukang Allata'ala ri kau ngaseng.