YEREMIA 1:5 - KITTA' MATANGKASA'

⁵ “Ri wattu tenanapa Kupa'jariko lalang ri battanna amma'nu, siagang ri wattu tenanapa nanilassukangko, le'ba' memang mako Kupile siagang Kuangka' untu' a'jari na'bi mae ri bansa-bansaya.”

YEREMIA 1:5 ပူးပေါင်းရင်းမြစ်များ

PAMMUJI 139:15

Wattunna Kipa'jari buku-bukungku, Kiatoro' bajiki lalang ri pammanakkanna ammakku, nampa abakkaka' anjoreng lalang rahasia, na tena kutaccokko mae ri Katte.

PAMMUJI 139:16

Kicinikka' ri wattungku lalang ija ri battang; yangasenna Kicataki lalang ri kittatTa; Kipattantumi allo-allo lanadallekanga ri tenanapa manna se're nipakaramulai.

KALAPPASSANG 33:12

Ri se'reang allo nakana Musa mae ri Batara, “O, Batara, Kiparentakanga' anrurungangi anne bansaya mange ri pa'rasangang Kipa'janjianga. Mingka taKipauai angkana inai laKisuro untu' antulunga'. Kikana Kiassenga', Batara, siagang mangngellaiKi' ri nakke.

KALAPPASSANG 33:17

Nakanamo Batara ri Musa, “LaKuturukiangko pappala'nu, lanri Kuassengko siagang lanri nia'na pangngellaingKu mae ri kau.”

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 49:1

Pilangngeria', he sikamma pa'rasangang bellaya parhatikangi kana-kanangku. Nakio' memamma' Batara ri tenanapa kunilassukang, Napile memamma' bakukku nitianangngang.

YESAYA 49:5

Ri tenanapa kulassu', Nakioka' Batara a'jari atanNa, untu' ampasse'rei umma' Israel, sollanna ammotere' ke'nanga mae ri Ia. Napa'jaria' Batara tunipakalompo, Allata'ala a'jari kagassingangku.

YEREMIA 1:10

Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

YEREMIA 1:4

Nakana Batara ri nakke,

YEREMIA 20:15

Nitunrai tongi tau angngeranga kabara' ampa'jari sannang duduai manggeku, ri wattunna nipau ri ia, angkana, “Anggappako sitau ana' bura'ne!”

YEREMIA 25:13

LaKuhukkungi Babel siagang sikontu bala le'baka Kurancanakang mae ri bansa-bansaya siagang le'baka Kupabattu mae ri Yeremia – iamintu sikontu bala niaka nitulisi' ilalang ri anne kittaka.

YEREMIA 36:2

“Angngalleko se're kitta' nigulung, siagang tulisiki lalang sikontu apa le'baka Kupau ri kau ri passala'na Israel siagang Yehuda, kammayatompa ri passala'na sikontu bansaya. Tulisiki sikontu kana-kanangKu appakkaramula ri uru-uru a'bicaraKu ri kau ri wattu pamarentahanna Karaeng Yosia sa'genna anne alloa.

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LUKAS 1:41

Na nalangngere'na Elisabet barisallanna Maria, a'gio'mi anjo ana' natiananganga. Nikoasaimi Elisabet ri RohNa Allata'ala;

LUKAS 1:76

Ikau anakku, lanigallarakko na'biNa Allata'ala Kaminang Tinggia. Nisuroko rioloangangnganNa Bataraya untu' ampasadiai oloang laNaoloa,

YOHANES 10:36

apa saba'na nanukana Kuhinai Allata'ala lanri Kukananaja KalengKu iNakke Ana'Na Allata'ala? Padahala' iNakkemi Napile Manggea na NasuroA' battu antama' ri linoa.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

ROMA 8:29

Sikamma tau le'baka Napile Allata'ala, le'ba' tommi nipattantu battu ri uru-uru memang untu' a'jari sangkamma ana'Na, iamintu Isa Almasi. Lanri kammana, iaminjo Isa Almasi a'jari ana' bungasa' mae ri sikamma sari'battanna ngaseng.

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

EFESUS 1:22

Le'ba'mi Napakkulantu' ngaseng Allata'ala irawangang kakoasanNa Almasi; nampa Napa'jari Kapalamo Almasi irateanganna sikontu jama'aka.