YEREMIA 1:16 - KITTA' MATANGKASA'

¹⁶ LaKuhukkungi ummakKu, lanri dorakai ke'nanga siagang nabokoiA'. Assaremi ke'nanga koro'bang mae ri rewata-rewata maraenga, kammayatompa appare'mi ke'nanga patung-patung nampa nasomba.

YEREMIA 1:16 ပူးပေါင်းရင်းမြစ်များ

2 KARAENG-KARAENG 22:17

Le'ba'Ma' nabokoi ke'nanga siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang tena nakkulle nipanaung larroKu.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 28:2

Sangkammai karaeng Israel panggaukanna ri tallasa'na siagang nasuroi taua appare' patung Baal tambaga,

2 PATTOTTORANG 34:25

Ma'bokomi ke'nanga ri Nakke siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang anjo larroKu takkulleai naung.

2 PATTOTTORANG 7:19

Mingka punna ikau siagang ra'ya'nu nudakkai hukkung-hukkungKu siagang parenta-parentakKu, kammayatompa anynyombako mae ri rewata-rewata maraenga,

YESAYA 2:8

Kemae-kemae nia' barhala, siagang anynyombai ke'nanga ri patung-patung bate pare' kalennaji ke'nanga.

YESAYA 37:19

Sikamma rewatana ke'nanga natunu tommi siagang naancuru' tommi, lanri sikamma anjo rewataya tena sikali koasana. Anjo rewataya poro patung kayuji siagang patung batuji, bate pare' rupatau.

YESAYA 44:15

Anjo poko' kayua nia' napa'jari kayu tunuang untu' a'binrung siagang attunu roti yareka allangga dageng, nampa sukku'mo baji'na nasa'ring. A'binrungi na nakana, “Edede, nyamanna siagang kammu'na! Teai sipato' appakanyamanna anne pepeka!” La'binna anjo kayua napareki patung. Su'juki ri ia nappala' doang nakana, “Ikaumi allata'alaku, pasalamaka'!”

YESAYA 65:3

Tulusu' napakanassuKu ke'nanga lanri assarena koro'bang ri koko-kokoa mae ri rewata-rewataya siagang attunui kamanynyang ri tampa'-tampa' pakkoro'bangnganna ke'nanga.

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YEREMIA 10:3

Ada' kabiasanna anjo bansa-bansaya tena sikali matu-matunna. Nata'bangi ke'nanga poko'-poko' kayua ri romanga, siagang nasuroi tukang kayua anjamai a'jari patung barhala.

YEREMIA 11:12

Nampa a'lampa tu Yehuda siagang pandudu'na Yerusalem mange appala' tulung ri rewata-rewata maraeng napakalompoa assare koro'bang. Tena nalanakulle anjo rewata-rewataya ampasalamaki ke'nanga ri wattunna battu balaya.

YEREMIA 11:17

INakke ampaentengi Israel siagang Yehuda, iNakke, Batara Kaminang Koasaya. Mingka, kamma-kamma anne le'ba'mi Kurancanakang laKupabattu balaya mae ri ke'nanga. Kalenna tonji ke'nanga a'jari passabakkang mae ri anjo sikammaya bala, lanri nagaukanna kaja'dallanga, iamintu assarena koro'bang mae ri Rewata Baal, sa'gengKu larro.”

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

YEREMIA 16:11

Pauangi ke'nanga angkanaya kammai anne kanangKu, ‘Le'ba'Ma' nabokoi boe-boenu untu' a'lampa mange anynyomba siagang assambayang ri rewata-rewata maraenga. Nabalang parekangA' siagang taerokai ke'nanga mannuruki ri paratorang-paratorangKu.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.

YEREMIA 19:4

Kugaukangi anjo passalaka lanri anne bansaya nabokoiMa'. Narantassi anne tampaka lanri assarena koro'bang mae ri rewata-rewata tenaya naassengi ke'nanga, tenaya naassengi boe-boena ke'nanga siagang sikamma karaenna tu Yehuda. Nabonei tommi ke'nanga anne tampaka cera'na tau tenaya nasala.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

YEREMIA 4:12

passangalinna anging lompo battua lanri parenta KalenNa Batara, untu' ampitujui hukkungang umma'Na.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

YEREMIA 5:29

Mingka iNakke, Batara, langhukkungi ke'nanga lanri yangasenna anjo sikammaya; laKubalasaki sikamma panggaukanna anne bansaya.

YEREMIA 5:9

Maka tena namusti Kuhukkung bansa kammaya anjo siagang Kubalasa' apa le'baka nagaukang ke'nanga?

YEREMIA 51:17

Nacini'na ngaseng anjo kammaya sadara'mi rupataua, angkanaya kalenna toloi na tena pammahanna. Siri'mi panre bulaenga napakamma, nasaba' patung barhala napareka sangnging palusu' na tena nyawana.

YEREMIA 7:17

Nucini'mi kalennu apa nagaukanga ke'nanga ri kota-kota Yehuda siagang ri agang-aganga ri Yerusalem!

YEREMIA 7:18

Ana'-anaka appasse'rei kayu tunuang, tubura'-bura'nea apparinra pepe', siagang tubai'-bainea alleo' labu' untu' appare' kanrejawa lanapassareanga ke'nanga mae ri rewata baine, ia naarenga ke'nanga Ratu Suruga. Siagang untu' ampakapa'risiki atingKu assare tongi ke'nanga anggoro' mae ri rewata-rewata maraenga.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEHEZKIEL 16:18

Nupipakei anjo patung-patunga siagang pakeang nisulang le'baka Kupassareang mae ri kau. Nupassareangi mae ri ke'nanga minynya' zaitun siagang dupa nugappaya battu ri Nakke.

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

HOSEA 11:2

Mingka pila' Kukioki anjo anakKu pila' napakabellai kalenna battu ri Nakke. Angngerangi koro'bang siagang attunui dupa untu' Rewata Baal siagang rewata-rewata maraengannaya.

HOSEA 8:6

Anjo sapi bulaeng nisombaya ri Samaria bate pare'na sikamma tau cara'de'na tu Israel! Anjo kammaya teai Allata'ala, siagang musti niancuruki!

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.

LAMPA-LAMPANA 7:41

Anjo wattua appare'mi ke'nanga se're patung ana' sapi. Nampa angngerang ke'nanga koro'bang mae ri anjo patunga; siagang assua'-suara'mi ke'nanga untu' ampakalompoi anjo apa napare' kalennaya ke'nanga.

PAOLE 28:20

Punna a'gau' ja'dalakko siagang nutollaki Batara, lappabattui bala, karicuang siagang kasukkarrang lalang sikontu apa nugaukanga, sa'genna lalang wattu sinampe' duduji naniancuru' taba sikaliko.

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

PAPPICINI' 9:20

Mingka anjo tau ammantanga, tenaya nanibunoi ri anjo balaya, tena tompa natoba' battu ri dosa-dosa nagaukanga ke'nanga. Tenapa nammari ke'nanga anynyomba mae ri setang-setanga, siagang mae ri barhala-barhala bulaenga, peraka, tambagaya, batua siagang kayu tenaya nakkulle accini' yareka allangngere', yareka a'jappa.