YEREMIA 1:15 - KITTA' MATANGKASA'

¹⁵ LaKusuroi sikontu bansaya ri bageang wara' battu angkoasai Yerusalem. Sikamma tembo'-tembo' niaka ri tammulilina anne kotaya siagang sikamma pakke'bu' lompona kammayatompa sikontu kota-kotaya ri Yehuda lanaalle ngasengi ke'nanga.

YEREMIA 1:15 ပူးပေါင်းရင်းမြစ်များ

YESAYA 22:7

Sikamma ka'bung copponga ri Yehuda rassi ngaseng siagang kareta pa'bundukang. Sadiami pasukang a'dongko' jaranga ri dallekanna sikamma pakke'bu' lompona Yerusalem.

YEREMIA 10:22

Pilangngeri! Nia' kabara' angkanaya nia' se're bansa ri bageang wara' appa'nia' kagegerang lompo. Tantarana lampa'jari sinoi kota-kota niaka ri Yehuda siagang tena nanipammantangngi. Kongkong-kongkong romanga lamangei anjoreng accokko.”

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YEREMIA 13:20

Nakana Batara mae ri pandudu'na Yerusalem, “Parhatikangi! Nia'mi musu-musunnu battu wara'! Kemaeji sikamma tau eroka nula'langngi siagang sannaka nukalompoanna ri pa'mai'?

YEREMIA 25:28

Na punna taeroka ke'nanga antarimai anjo kaca pangnginunganga battu ri limannu untu' angnginungi anggoro'na, pauangi angkanaya Batara Kaminang Koasaya amparentakangi anjo.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 33:10

Nakana Batara, “Nakana taua anne tampaka sangkammai parang lompo, tena tau siagang olo'-olo' ammantang anjoreng. Anjo kananna ke'nanga memang annabai, nasaba' kota-kotana Yehuda siagang agang-aganga ri Yerusalem kosong ngasemmi; tena tau yareka olo'-olo' ammantang anjoreng.

YEREMIA 34:1

Ri wattunna Nebukadnezar karaeng Babel siagang pasukanna nibantua ri pasukang-pasukang battu ri sikontua bansa siagang bansa tunduka irawanganna, battumi ambunduki Yerusalem siagang kota-kota niaka ri tammulilina, a'bicarami Batara mae ri nakke.

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 39:3

na niallemo Yerusalem. Battumi sikamma pagawena karaeng Babel nampa a'lampa mange ammempo ri Pakke'bu' Lompo Tangngaya. Ri alla'na ke'nanga niaki Nergal-Sarezer, Samgar Nebo, Sarsekim kapala ruma tanggana balla' karaenga, Nergal-Sarezer Rabmag siagang perwira-perwira tantara maraenga.

YEREMIA 4:16

Napakaingaki ke'nanga bansa-bansaya siagang napabattuangi pandudu'na Yerusalem angkanaya nia'mi battu bella mae musua. La'gora-gorai ke'nanga ero' ambunduki kota-kota Yehuda

YEREMIA 4:6

Picinikiangi oloang mangea ri Sion, bulu'Na Batara, a'liliko linta', teako ammantangngi a'mereki. Appabattui Batara bala siagang kaancurang lompo battu wara'.

YEREMIA 43:10

Nampa nupau mae ri ke'nanga angkana iNakke, Batara Kaminang Koasaya, iamintu Allata'alana Israel, laKupabattui atangKu Nebukadnezar karaeng Babel, mae anrinni ri tampaka. Siagang anjoreng ri rateanna batu-batu Kulamunga lalang ri anjo buttaya, lanapaentengi empoang kakaraenganna siagang napaka'rang kema kakaraenganna.

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

YEREMIA 46:24

Pandudu'na Mesir laKupakasiriki, lanri nibetai ri bansa battu waraka. INakke, Batara, anne akkana.”

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEREMIA 6:22

Nakana Batara, “Nia' bansa kassa' a'gio' battu wara' ri pa'rasangang bella. Battui mae ke'nanga untu' a'bundu'.

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

PIRAUNG 5:11

Tubai'-bainea ri Sion nigau' bawangi nigau' salai tuloloa ri desa-desa Yehuda.

YEHEZKIEL 32:30

Sikamma karaenga battu wara' niaki anjoreng, kammayatompa tu Sidon. Riolo kakoasanna ke'nanga appakamallaki, mingka kamma-kamma anne nipakasiri'mi ke'nanga, siagang tena nisunnaki nantama' ri linona tau matea siagang ngaseng sikamma tau matea lalang pa'bundukang. Anjorengi ke'nanga anra'ba siagang natanggongi ra'masa'na siagang ngaseng sikamma tau naunga ri linona tau matea.

YO"EL 2:20

Anjo pasukang katimbang niaka battu wara' laKubongkai, sipa'gang Kuondangi mange ri parang kassika. Mange ri Tamparang Matea laKulusuru' barisang ri dallekang, mange ri Tamparang Tangngaya Kusorong barisang ri bokoanna. La'rasai sikamma bakkena. Kuancuruki ke'nanga lanri le'ba'na ke'nanga ansessa ngasengko.

ZAKHARIA 6:6

Kareta pa'bundukang nibesoka ri jarang le'lenga a'lampa mangei Babel ri bageang wara'. Jarang keboka a'lampa kalauki siagang jarang baloa a'lampa mangei ri pa'rasangang niaka ri bageang timboro'.”