YEHEZKIEL 9:8 - KITTA' MATANGKASA'

⁸ Lalang nigaukanna anjo pammunoanga, kale-kalengku nia' anjoreng. Su'juka' siagang akkio'ma' angkana, “O Batara Kaminang Tinggia, maka sanna' dudu kammami anjo larroTa mae ri Yerusalem, sa'genna ero' Kibuno kabusu' tau niaka ija ri anne Israel?”

YEHEZKIEL 9:8 ပူးပေါင်းရင်းမြစ်များ

PA'JARIANG 18:23

A'reppese'mi Abraham mae ri Batara nampa akkuta'nang angkana, “Maka kammatojengi angkanaya eroki Kipanraki tau tenaya salana assama-sama siagang tau salaya?

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

EZRA 9:5

Ri wattunna appakkaramulamo nipassareang koro'bang karuenga, ammentemma' ri tampakku si'na. Lalang ammakeang kekke' su'juka' nakupatara limangku mae ri Karaeng Allata'alaku.

YEREMIA 14:13

Nampa kukanamo, “O Batara Kaminang Tinggia, Kiassengi angkanaya le'ba'mi na'bi-na'bia akkana mae ri ra'yaka angkanaya tena nalania' pa'bundukang yareka kacipurang lanri le'ba'maKi' a'janji angkanaya tuli lania'na kaamangngang anrinni ri pa'rasanganga.”

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

YEREMIA 4:10

Nampa kukanamo, “O Batara Kaminang Tinggia, Kiballe-balleimi tu Yehuda siagang pandudu'na Yerusalem! Kikana angkana lania' kaamangngang, nampa kamma-kamma anne nyawana ikambe niancangi ri pa'dang.”

YEHEZKIEL 11:13

Lalang kupabattuna anjo kana-kana kammaya, ti'ring tu'guru'mi naung Pelaca nampa mate. Jari su'ju'ma' siagang akkio' angkana, “Aduh Batara Kaminang Tinggia! Apaka laKibuno ngasengi anne bansa Israel niaka tassesa?”

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

YEHEZKIEL 7:8

Tasalloami nanukasia' pangngalarroi lompoKu. LaKuadeliko situru' panggaukannu. LaKubalasaki mae ri kau sikontu panggaukang kodinu.

PAMMILANGNGANG 14:5

Nampa su'ju'mo Musa siagang Harun ri dallekanna sikontu ra'yaka.

PAMMILANGNGANG 16:4

Nalangngere'na Musa anjo kana kammaya, su'ju'mi naung ri buttaya nampa appala' doang mae ri Batara.

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.