YEHEZKIEL 9:5 - KITTA' MATANGKASA'

⁵ Kulangngereki Allata'ala angkana mae ri tau maraengannaya, “Amminawangko ri ia mange ri sikontu kotaya siagang bunoi tunggala' taua, teako pammopporangngi.

YEHEZKIEL 9:5 ပူးပေါင်းရင်းမြစ်များ

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

KALAPPASSANG 32:27

na nakanamo Musa ri ke'nanga, “Karaeng Allata'alana Israel amparentakangi mae ri kau ngaseng untu' ambi'buki pa'dannu nampa a'jappa allalo ri anne pakkemaanga, appakkaramula battu ri anne pakke'bu' lompoa sa'genna mange ri pakke'bu' lompo maraengannaya, nampa nubuno sikamma sari'battannu, sikamma sahaba'nu siagang sikamma siampi' balla'nu.”

YESAYA 13:18

Pana siagang anrong pana napake ke'nanga anbunoi sikamma tau rungkaya. Tena nasayangi ke'nanga ana' loloa siagang tena nakamaseangi ana'-anaka.

YESAYA 22:14

Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

1 SAMUEL 9:15

Siallo rioloanganna anjo, Appasammi Batara ri Samuel angkana,