YEHEZKIEL 9:1 - KITTA' MATANGKASA'

¹ Nampa kulangngere' Allata'ala akkio' angkana, “Battuko mae he sikamma tau ampajappayai hukkunganga mae ri anne kotaya. Erangi sanjata-sanjatanu.”

YEHEZKIEL 9:1 ပူးပေါင်းရင်းမြစ်များ

2 KARAENG-KARAENG 10:24

Nampa assaremo koro'bang Yehu siagang Yonadab mae ri Baal. Ri pantaranna balla' panynyombanga, nia'mo napasadia Yehu 80 tau pangawala' siagang perwira. Le'ba' tommi naparentakang mae ri ke'nanga parenta kammaya anne, “Musti nubuno kabusuki anjo taua. Inai-nai allappassangi kalase'renna battu ri ke'nanga lari lanibunoi!”

1 PATTOTTORANG 21:15

Nampa nia'mo malaeka' Nasuro Batara angngancuruki Yerusalem. Mingka ri wattunna battumo anjo malaekaka ri ampi'na panggilingang gandunna Arauna tu Yebus, Napinrami Batara kaputusanNa untu' anghukkungi anjo bansaya. Nakanamo ri anjo malaekaka, “Angganna'mi! Sudamo!”

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

YESAYA 6:8

Nampa nia' kulangngere' sa'ranNa Batara angkana, “Inai laKusuro? Inai lampabattui kabaratta?” Appialima' angkana, “Anne niakka'. Kisuroma'!”

YEREMIA 4:6

Picinikiangi oloang mangea ri Sion, bulu'Na Batara, a'liliko linta', teako ammantangngi a'mereki. Appabattui Batara bala siagang kaancurang lompo battu wara'.

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”