YEHEZKIEL 8:6 - KITTA' MATANGKASA'

⁶ Nakana Allata'ala ri nakke, “He tau, apa nucini' kajariang? Parhatikangi sikamma panggaukang appakaringi' nagaukanga tu Israel, ampakabellaiA' battu ri BallakKu! Maeko, laKupicinikiangko apa-apa la'bi kodiangnganga pole.”

YEHEZKIEL 8:6 ပူးပေါင်းရင်းမြစ်များ

2 PATTOTTORANG 29:5

nampa a'bicara mae ri ke'nanga anjoreng. Nakana ri ke'nanga, “Ikau ngaseng tu Lewia, musti nutangkasi kalennu untu' Batara, siagang nutangkasi Balla'Na Batara, Allata'alana boe-boenu. Sikontu apa akkullea anra'massi anjo ballaka musti nupakabellai.

PAMMUJI 78:60

Nabokoimi KemaNa ri Silo, tampa' pammantanganNa ri alla'na rupataua.

PANGNGEBARANG 5:14

Takuassenga kalengku nakutu'guru'mo ri dallekang matanna tau jaia.”

YEREMIA 11:18

Napauanga' Batara ri passala'na rancana ja'dala'na musu-musua mae ri nakke.

YEREMIA 23:11

Nakana Batara, “Na'bia siagang imanga taerokai mannuruki ri Nakke. Ba'lalo Kurapikangi ke'nanga a'gau' ja'dala' ri BallakKu.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 3:6

Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEREMIA 32:34

Ba'lalo balla' nibangunga untu' tampa' anynyomba ri Nakke le'ba' tommi nara'massi ke'nanga lanri naboli'na anjo barhala-barhala appakaringi'-ringi'na ke'nanga anjoreng ri tampaka.

YEREMIA 7:17

Nucini'mi kalennu apa nagaukanga ke'nanga ri kota-kota Yehuda siagang ri agang-aganga ri Yerusalem!

YEREMIA 7:30

Nagaukammi tu Yehuda kaja'dallanga. Anjo barhala-barhalana ke'nanga tenaya Kungai naboliki ke'nanga lalang ri BallakKu, sa'genna nara'massi BallakKu.

YEHEZKIEL 10:18

Nampa caya accillaka, iamintu pammatei kahaderanNa Batara, nabokoi pakke'bu' antamaka ri Balla'Na Batara siagang a'letteki nai' ri anjo malaeka'-malaeka' akka'nyika.

YEHEZKIEL 10:19

Kuciniki anjo malaeka'-malaeka' akka'nyika napaka'rang ka'nyi'na siagang anri'ba' ambokoi buttaya nampa a'lampa, siagang amminawangi roda-rodana. Nampa ammantang ke'nanga ri ampi'na pakke'bu' lompona balla'Na Batara ri bageang iraya; nampa anjo caya accillaka tuli nia'na irateanna ke'nanga.

YEHEZKIEL 11:22

Appakkaramulai anri'ba' anjo sikamma malaeka'-malaeka' akka'nyika siagang anjo roda-rodaya amminawang tongi. Caya accilla' iamintu pammatei kahaderanNa Allata'alana Israel niaki irateanna ke'nanga.

YEHEZKIEL 11:23

Nampa anjo caya accillaka nabokoi Yerusalem siagang a'letteki mange ri moncong rayanganna anjo kotaya.

YEHEZKIEL 14:6

Pabattuang tongi tu Israel angkanaya iNakke, Batara Kaminang Tinggia, angkana ri ke'nanga, ‘Toba' mako battu ri dosa-dosanu, siagang bokoimi anjo barhala-barhalanu appakalanrea.’

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEHEZKIEL 43:8

Riolo sikamma karaenna ke'nanga appareki balo'-balo' pakke'bu' siagang benteng-benteng pakke'bu' balla' karaenna ke'nanga ri sa'rinna balo'-balo' pakke'bu'na siagang benteng-benteng pakke'bu' BallakKu, sa'genna se'reji bawang rinring ri alla'na. Nara'massimi areng matangkasakKu ke'nanga, lanri nagaukanna panggaukang appakaringi'-ringika. Lanri kammana anjo naKupanrakimo ke'nanga lalang pangngalarroingKu.

YEHEZKIEL 47:6

Nampa nakana anjo taua ri nakke, “He tau, parhatikang ngasengi anne baji'-baji'.” Nampa naeranga' ammotere' antulakkangi binangaya,

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 8:13

Nampa Nakana Batara ri nakke, “Lanuciniki pole ke'nanga nagaukang apa la'bi appakaringi'-ringika.”

YEHEZKIEL 8:14

Nampa nieranga' a'lampa mange ri pakke'bu' lompo bageang wara'na Balla'Na Batara siagang Napicinikiamma' sikamma bai'-baine angkarrukiai kamateanna Rewata Tamus.

YEHEZKIEL 8:7

Nampa nieranga' mange ri pakke'bu' antamakkanga ri paranglakkeng bageang pantaranga siagang nipicinikiamma' se're so'bolo' ri temboka.

YEHEZKIEL 8:9

Nakanamo ri nakke, “Antamakko siagang cinikimi sikamma panggaukang kodi siagang appakaringi' nagaukanga ke'nanga anjoreng.”

HOSEA 5:6

A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.