YEHEZKIEL 8:5 - KITTA' MATANGKASA'

⁵ Nakana Allata'ala ri nakke, “He tau, accinikko wara'.” Amminawang turu'ma', nampa kucini'mo ri ba'leanna tampa' pakkoro'bangngang ri ampi'na oloang antamaya, iamintu barhala ampabattuai pangngalarroinNa anjo Allata'ala.

YEHEZKIEL 8:5 ပူးပေါင်းရင်းမြစ်များ

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

PAMMUJI 78:58

Napa'ngarai ke'nanga Allata'ala ri tampa' panynyombang barhalaya, napassereati Allata'ala siagang patung-patunna ke'nanga.

YEREMIA 3:2

Coba sako accini' nai' ri coppo'-coppo'na buluka! Tampa' kereanga mami tena le'ba' nubattui untu' a'gau' bawang? Sangkamma tu Arab ri parang lompoa, kammaminjo batenu ammempo ri biring aganga attayang tau lanuaganga attanring. Nurantassi anne pa'rasanganga lanri a'gau' bawannu siagang kaja'dallannu.

YEREMIA 32:34

Ba'lalo balla' nibangunga untu' tampa' anynyomba ri Nakke le'ba' tommi nara'massi ke'nanga lanri naboli'na anjo barhala-barhala appakaringi'-ringi'na ke'nanga anjoreng ri tampaka.

YEREMIA 7:30

Nagaukammi tu Yehuda kaja'dallanga. Anjo barhala-barhalana ke'nanga tenaya Kungai naboliki ke'nanga lalang ri BallakKu, sa'genna nara'massi BallakKu.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.