YEHEZKIEL 8:11 - KITTA' MATANGKASA'

¹¹ Tujupulo pamimping tu Israel nia' anjoreng, kammayami Yaazanya ana'na Safan. Massing anna'galaki ke'nanga se're pa'dupang a'rumbua umbunna.

YEHEZKIEL 8:11 ပူးပေါင်းရင်းမြစ်များ

2 KARAENG-KARAENG 22:12

Nampa naparentakang karaenga mae ri Imang Hilkia, Ahikam ana'na Safan, Akhbor ana'na Mikha, Safan jurutulisi'na pa'rasanganga, siagang Asaya pambantuna karaenga, angkana,

2 KARAENG-KARAENG 22:14

Jari a'lampami Hilkia, Ahikam, Akhbor, Safan siagang Asaya mange appala' pangngunju' ri sitau baine niarenga Hulda, iamintu na'bi niaka ammantang ri pakkampongang berua ri Yerusalem. Bura'nenna niarengi Salum ana'na Tikwa, cucunna Harhas; jama-jamanna iamintu pangurusu' pakeang sambayang ri Balla'Na Batara. Le'ba'na nalangngere' kasingaranna ke'nanga,

2 KARAENG-KARAENG 22:3

Nia' sitau jurutulisi'na Yosia, iamintu niarenga Safan ana'na Azalya, cucunna Mesulam. Ri taung makasampulo assagantuju ammarentana Karaeng Yosia, appasulu'mi parenta kamma anne Yosia mae ri anjo jurutulisi'na, “A'lampako mange ri Imang Lompo Hilkia ri Balla'Na Batara, siagang pappalakki laporang ri passala'na siapa jaina doe' le'baka napasse're sikamma imang tugasaka ri pakke'bu' antamaya ri Balla'Na Batara.

2 KARAENG-KARAENG 22:8

Napabattui Safan parentana karaenga ri Hilkia, nampa nacarita Hilkia mae ri Safan angkanaya le'baki nagappa ammotere' kitta' hukkung-hukkunNa Batara ri Balla'Na Batara. Napassareangi Hilkia anjo kittaka mae ri Safan, nampa nabaca Safan.

2 KARAENG-KARAENG 25:22

Le'baki anjo naangka'mi Karaeng Nebukadnezar tu niarenga Gedalya ana'na Ahikam cucunna Safan, a'jari guburnur ri Yehuda untu' ammarenta mae ri sikontu tau niaka ija ammantang anjoreng.

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

2 PATTOTTORANG 26:19

Anjo wattua sitabangi Uzia ammenteng ri ampi'na tampa' pakkoro'bangngang dupaya ri Balla'Na Batara, anna'gala' pattunuang dupa. Larroi mae ri anjo imang-imanga, siagang ti'ring nia'mo garring kodi ammumba ri abanna.

2 PATTOTTORANG 34:20

Nampa appasulu' parenta karaenga mae ri Hilkia, Ahikam ana'na Safan, Abdon ana'na Mikha, Safan jurutulisi'na pa'rasanganga siagang Asaya pambantuna karaenga, angkana,

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.

YESAYA 44:13

Tukang kayua naukkuruki kayua. Appareki gambara' siagang pa'leo', naukiriki siagang pakkakasa' nampa napare' a'jari patung antanja' tau ga'ga, nampa naboli' lalang ri balla'na.

YEREMIA 19:1

Nasuroa' Batara a'lampa ammalli bongki, nampa kukio' siapa are pamimpinna bansaya siagang siapa are imang-imang toaya,

YEREMIA 19:4

Kugaukangi anjo passalaka lanri anne bansaya nabokoiMa'. Narantassi anne tampaka lanri assarena koro'bang mae ri rewata-rewata tenaya naassengi ke'nanga, tenaya naassengi boe-boena ke'nanga siagang sikamma karaenna tu Yehuda. Nabonei tommi ke'nanga anne tampaka cera'na tau tenaya nasala.

YEREMIA 26:22

Mingka Karaeng Yoyakim nasuroi Elnatan ana'na Akhbor siagang siapa are tau maraeng a'lampa mange ri Mesir na naalle Uria.

YEREMIA 26:24

Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.

YEREMIA 29:3

Kusuro erangi anjo suraka ri Elasa ana'na Safan, siagang Gemarya ana'na Hilkia ia nisuroa battu ri Zedekia karaeng Yehuda mange ri Nebukadnezar karaeng Babel. Anjo suraka kammai anne bonena,

YEREMIA 36:10

Nampa nabaca Barukh battu ri kitta' nigulunga sikontu apa-apa le'baka kupau, nampa appilangngeri ngaseng taua. Anjo kittaka nibacai lalang ri Balla'Na Batara ri kantoro'na Gemarya, ana'na Safan, jurutulisi'na pamarentaya. Anjo kantoroka niaki ri bageang rateang parang lakkenga, rampi'na oloang antamaya ri Pakke'bu' Lompo Beruna Balla'Na Batara.

YEREMIA 44:21

“Apaka nukana taNaassengai yareka nukana Nakaluppai Batara anjo koro'bang-koro'bang nipassareanga ri kota-kota Yehuda siagang ri agang-aganga ri Yerusalem, iamintu nipassareanga ri boe-boenu, ri karaeng-karaenga siagang sikamma pagawe pamarentanu, kammayatompa ri sikontu ra'ya'na anne pa'rasanganga siagang nupassareanga ikau kalennu?

YEREMIA 5:5

Baji'mi nakua'lampa mae ri sikamma tumalompoa, nampa a'bicara siagang ke'nanga. Mattantu naassengi ke'nanga apa Nakaerokia siagang Natuntuka Karaeng Allata'ala battu ri ke'nanga.” Mingka, yangasenna anjo ke'nanga tena todong naero' Niparenta ri Batara; taerokai ke'nanga mannuruki ri Ia.

YEREMIA 52:27

ri daera Hamat. Anjorengi nisessa ke'nanga, nampa nibuno. Kammami anjo niengka'na tu Yehuda battu ri pa'rasanganna ke'nanga nampa nierang mange ri butta pammelakkanga;

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEHEZKIEL 20:1

Ri tanggala' sampulo bulang lima, lalang taung makatuju ri wattu nipela'na ikambe, nia'mo siapa are pamimpinna tu Israel battu mae ri nakke untu' appala' pangngunju' battu ri Batara. Le'baki ammempo ri dallekangku,

YEHEZKIEL 8:10

Jari antamama' nampa kuciniki. Rinring-rinrinna anjo kamaraka niukiriki siagang sangka' rupa ulara' kammayatompa olo'-olo' harang maraengannaya, siagang sangka' rupa ukirang barhala nasombaya tu Israel.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

DANIEL 9:8

Sikamma karaenna ikambe, pamimpinna ikambe siagang boe-boena ikambe, nagaukammi apa-apa appakasirika siagang dorakami mae ri Katte, o Batara.

PAMMILANGNGANG 11:16

Nampa Nakanamo Batara mae ri Musa, “Passe'rei battu ri bansa Israel tujupulo tau toa, ia niania salaku pamimpinna bansaya. Erangi ke'nanga battu mae ri dallekangKu ilalang ri KemaKu, nampa suroi ke'nanga ammenteng anjoreng ri sa'rinnu.

PAMMILANGNGANG 11:25

Nampa naummo Batara lalang ri rammanga siagang A'bicarami mae ri Musa. Naallemi Batara sipa'gang anjo koasa Napassareanga mae ri Musa nampa Napassareang mae ri anjo tujupuloa pamimping. Anjo wattua naummi RohNa Batara mae ri ke'nanga. Nappakkaramulamo ke'nanga a'gora sangkamma na'bi, mingka tena nasallo.

PAMMILANGNGANG 16:35

Nampa appabattumo pepe' Batara na nakanre sa'genna ammutung anjo 250 tau assarea dupa.

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.