YEHEZKIEL 7:9 - KITTA' MATANGKASA'

⁹ Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YEHEZKIEL 7:9 ပူးပေါင်းရင်းမြစ်များ

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 36:31

Ikau, jari-jarinu, siagang sikamma pagawenu laKuhukkungko lanri dosa-dosa nugaukanga ngaseng. LappabattuA' mae ri kau ngaseng sikontu bala le'baka Kupau, lanri baji' naikau kammayatompa pandudu'na Yerusalem siagang Yehuda tena nanuparhatikangi anjo sikontu apa Kuancangngangko.”

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

YEHEZKIEL 22:22

Sangkamma pera' nipassolonga lalang ri pattunuanga, kammatommi anjo batena lanipassolong ke'nanga ri Yerusalem. Jari naassemmi ke'nanga angkanaya iNakke, Batara, ampabattui pangngalarroingKu mae ri ke'nanga.”

YEHEZKIEL 23:49

He Ohola siagang Oholiba, laKuhukkungko lanri a'gau' bawangko siagang anynyombako ri barhala. Nampa nuassemmo angkanaya iNakke Batara Kaminang Tinggia.”

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 7:10

Battumi allo angngeranga bala mae ri Israel. Kajariammi ri kemae-kemae gau' pallaka. Katampoanga narapi'mi pamangeanna.

YEHEZKIEL 7:8

Tasalloami nanukasia' pangngalarroi lompoKu. LaKuadeliko situru' panggaukannu. LaKubalasaki mae ri kau sikontu panggaukang kodinu.

MIKHA 6:9

Sanna' baji'na punna mallakki' mae ri Batara. Akkioki mae ri pandudu'na kotaya Nakana, “Pilangngeri, he ikau ngaseng niaka a'rappung ri kotaya!

GALATIA 6:7

Teako eroki nitipu. Anjo Allata'ala takkulleai nipakkarek-karenang! Apa nilamung iatommi anjo lanikatto.

PAPPICINI' 20:13

Nampa napassareammo tamparanga sikamma tau matea, niaka lalang ri ia. Kamateanga siagang Linona Kamateanga napassareang ngaseng tommi sikamma tau mate niaka ri ia. Nanihukkung ngaseng tommo anjo tau matea situru' panggaukanna ke'nanga.