YEHEZKIEL 7:6 - KITTA' MATANGKASA'

⁶ Kamma-kamma anne sikontu-kontuna narapi'mi kala'busanna. Iaminne kale'bakkannu. Tenamo panrannuang mae ri kau.

YEHEZKIEL 7:6 ပူးပေါင်းရင်းမြစ်များ

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

PIRAUNG 4:18

Takkulleai ikambe assulu' ri aganga, lanri tuli nijagaita ri musua. A'reppese'mi a'jala'na ikambe lanri angganna'mi allonna ikambe.

YEHEZKIEL 12:23

Jari pabattui mae ri ke'nanga angkanaya iNakke Batara Kaminang Tinggia appiali kamma anne: Anjo paruntu' kanaya laKupattaenami, sa'genna tenamo nanipaui ri Israel. Salaku sambenna pabattuangi ke'nanga angkana narapi'mi wattunna, siagang sikontu botoa la'rupa ngasemmi.

YEHEZKIEL 21:25

Nampa mae ri karaeng Israel Kukana, ‘He karaeng ja'dalaka siagang dorakaya! A'reppese'mi wattu hukkungannu kala'busanga.

YEHEZKIEL 39:8

Nakana Batara Kaminang Tinggia, “Tojeng, anjo allo Kupakkanaya ma'nassa labattui.

YEHEZKIEL 7:10

Battumi allo angngeranga bala mae ri Israel. Kajariammi ri kemae-kemae gau' pallaka. Katampoanga narapi'mi pamangeanna.

YEHEZKIEL 7:3

Nakana Batara, “He Israel, kamma-kamma anne narapi'mi wattu kale'bakkannu. Lanupisa'ringi pangngalarroingKu. Kuadeliko situru' panggaukannu kodia.

YEHEZKIEL 7:7

Sikontu-kontuna kala'busannami mae ri kau, he bansa niaka ammantang anrinni ri buttaya. Kamma-kamma anne tenamo pa'gaukang passua'-suarrang ri tampa' pakkorobangngang ri moncong-monconga, mingka ia niaka poro karicuang mami.

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.