YEHEZKIEL 7:3 - KITTA' MATANGKASA'

³ Nakana Batara, “He Israel, kamma-kamma anne narapi'mi wattu kale'bakkannu. Lanupisa'ringi pangngalarroingKu. Kuadeliko situru' panggaukannu kodia.

YEHEZKIEL 7:3 ပူးပေါင်းရင်းမြစ်များ

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

YESAYA 47:7

Nukapangi angkanaya la'jari karaeng baineko satunggu-tungguna, na tanuassenga yareka tanupikkira kale'bakkanna.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEHEZKIEL 11:21

Mingka sikamma tau nangaia anynyomba ri barhala-barhala kodia siagang appakaringi'-ringika laKuhukkungi lanri anjo panggaukang ja'dala'na ke'nanga.” Kammami anjo kananNa Batara Kaminang Tinggia.

YEHEZKIEL 16:38

LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

YEHEZKIEL 16:43

LaKuhukkungko lanri tenana nanuu'rangi antekamma bateKu amparakaiko ri wattunnu lolo ija. NupakanassuA' lanri sikontu anjo panggaukang ja'dalaka. Angngapa nanutambai ija anjo sikontu panggaukang appakaringika siagang gau' bawang? INakke, Batara Kaminang Tinggia, anne akkana.”

YEHEZKIEL 16:59

Nakana Batara Kaminang Tinggia, “LaKugaukangi mae ri kau situru' panggaukannu, lanri nudakkai sumpanu siagang parjanjiannu siagang iNakke.

YEHEZKIEL 18:30

Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

YEHEZKIEL 21:25

Nampa mae ri karaeng Israel Kukana, ‘He karaeng ja'dalaka siagang dorakaya! A'reppese'mi wattu hukkungannu kala'busanga.

YEHEZKIEL 22:31

Lanri kammana anjo kamma-kamma anne Kupabattumi pangngalarroingKu mae ri ke'nanga, siagang rapang pepe' laKupanraki ke'nanga lanri sikontu panggaukanna ke'nanga. INakke, Batara Kaminang Tinggia, anne akkana.”

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

YEHEZKIEL 33:20

Mingka manna nakamma anjo nakana bansa Israel angkanaya anjo tindakangKu tena naadele'. Tojeng, laKuadeli ke'nanga situru' massing panggaukanna.”

YEHEZKIEL 36:19

Kuhukkungi ke'nanga situru' carana attallasa' siagang panggaukanna ke'nanga, nampa kupasiara' ke'nanga mae ri pa'rasangang maraeng.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEHEZKIEL 5:13

Lanupisa'ringi antekamma lompona pangngalarroingKu siagang pa'jallokangKu sa'genna sukku' Kusa'ring. Punna le'ba' ngasemmo kajariang anjo sikammaya, nampa mako latappa' angkanaya iNakke, Batara, anne a'bicara mae ri kau lanri larroKu mae ri sipa' tenana namattantu pa'mai'nu.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

HOSEA 12:3

Nia' parkaraNa Batara siagang bansa Yehuda; kammayatompa laNahukkung tongi tu Israel lanri gau'-gau'na ke'nanga. LaNabalasaki panggaukanna ke'nanga.

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.