YEHEZKIEL 7:26 - KITTA' MATANGKASA'

²⁶ Balaya siagang kabara' kodia tenammarina tulusu' labattu. Nupalaki mae ri na'binu sollanna akkulle ke'nanga antappui lalang paccini'na ke'nanga, mingka tena todong nakkulle ke'nanga. Kammayatompa sikamma imanga tenamo apa-apa lakkulle napangngajarrang mae ri ummaka, siagang sikamma pamimpinga kala'busammi ri kana-kana untu' pappakainga'.

YEHEZKIEL 7:26 ပူးပေါင်းရင်းမြစ်များ

PAMMUJI 74:9

Tenamo nicini' na'bi-na'bi siagang tanra-tanra appakalannasa', manna sitau tania' angngassengi sa'genna siapa sallona tulusu' lakamma anne.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

YEREMIA 37:17

Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEHEZKIEL 11:2

Nakana Allata'ala ri nakke, “He tau, iaminne sikamma tau anrancanakanga kaja'dallang ri anne kotaya siagang assarea pangajarang sala.

YEHEZKIEL 12:22

“He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

YEHEZKIEL 14:1

Nia' siapa are jaina pamimping Israel battu mae ri nakke untu' ampakkuta'nangngangi ero'Na Batara.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

YEHEZKIEL 8:1

Ri tanggala' lima bulang annang lalang taung makaannang ri wattu pammelakkanga, sikamma pamimpinna tu Yehuda nipelaka battui ri ballakku nakusipammempo-mempoang. Ti'ring battumi kakoasanNa Batara Kaminang Tinggia angkoasai kalengku.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

MIKHA 3:6

“He na'bi, la'birimmi la'busu' wattunnu; labumi allonnu. Talanggappaya mako paccini' ri passala'na rancana-rancanaKu. Tenamo apa-apa lakkulle nuboto.”

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

MALEAKHI 2:9

Na iNakke lampa'jari natunaiko umma' Israel lanri tenana numannuruki ri erokKu, kammayatompa lanri nupasimmara'-maraenna taua ri wattunna nuajara' ummakKu.”

PAOLE 32:23

Kupabattu bala tamammari-maria, Kupakei pana-panana balinna ke'nanga.

1 SAMUEL 3:1

Lalang kammana anjo, anjo Samuel, ana'-anaka ija, allayani ri Batara nipimping ri Eli. Anjo wattua langkara' sikali nania' pappasang siagang paccini' battu ri Batara.