YEHEZKIEL 7:24 - KITTA' MATANGKASA'

²⁴ Bansa-bansa kaminang sekkeka laKupabattui untu' angngempoi sikamma balla'nu. Sikamma tau porenu kaminang barania la'jari mallaki punna Kulappassang anjo bansa-bansaya angngancuruki tampa'-tampa' ibadanu.

YEHEZKIEL 7:24 ပူးပေါင်းရင်းမြစ်များ

PA'JARIANG 47:26

Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.

PAMMUJI 106:41

Jari Napassareammi ke'nanga mae ri bansa-bansaya, Nabalang parekangi ke'nanga nikoasai ri musu.

PAMMUJI 74:7

Natunui BallatTa sa'genna cappu'; nara'massi tampa' panynyombanga mae ri Katte.

PAMMUJI 83:12

Gau'mi pamimpinna ke'nanga sangkamma Oreb siagang Zeeb, patunduki tukoasana ke'nanga sangkamma Zebah siagang Salmuna,

YESAYA 5:14

Tassungke luaraki bawana kamateanga untu' angnga'luki sikamma pamimpinna Yerusalem siagang ra'ya' sitabanga assua'-suara'.

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YEREMIA 17:4

Latarpassai nupassareang tampa' le'baka Kupassareang mae ri kau, siagang laKupa'jariko ata mae ri musunnu ri pa'rasangang tena sikalia nuassengi. LaKugaukang ngasengi anjo sikammaya lanri allumpana larroKu rapang pepe' a'rinra tenaya nakkulle nibuno pepe'na.”

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YEREMIA 6:12

Balla'na ke'nanga lanipassareangi mae ri tau maraenga, kammayatompa sikamma kokonna siagang bainenna ke'nanga. LaKuhukkungi pandudu'na anne pa'rasanganga.

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

YEHEZKIEL 21:2

“He tau, tunrai Yerusalem! Tunrai tampa'-tampa' ibadana anjoreng. Pakaingaki butta Israel

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

YEHEZKIEL 33:28

Anjo pa'rasanganga laKupa'jari parang sino, siagang anjo kakoasanna nakalompoang pa'maika ke'nanga lalanynya'mi. Sikamma buluka ri Israel la'jari sinomi, sa'genna manna sitau tania' barani angngoloi.

ZEFANYA 1:13

Lanirampasaki barang-baranna ke'nanga siagang laniancuruki sikamma balla'na. Lambangungi ke'nanga balla', mingka takkulleai napammantangngi. Lappareki ke'nanga koko anggoro' mingka takkulleai nainung je'ne' anggoro'na.”