YEHEZKIEL 7:16 - KITTA' MATANGKASA'

¹⁶ Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.

YEHEZKIEL 7:16 ပူးပေါင်းရင်းမြစ်များ

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

PAMMUJI 55:2

O, Allata'ala, Kipilangngeri pappala' doangku, teaKi' allei rupanTa battu ri pappalakku.

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 37:31

Tu Yehuda niaka ija attallasa' lakala'biangi lalang tallasa'na, rapang lamung-lamung lantang sikalia aka'na, nabaji' rapponna.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

YESAYA 59:11

Mallaki siagang si'nai pa'mai'na ikambe; a'boyai kaadelang ikambe, mingka tena; a'minasai ikambe ri kasalamakkang, mingka sia-siaji.

YESAYA 59:12

Tamaka jaina kaja'dallanna ikambe mae ri Katte; dosa-dosana ikambe ampassalai ikambe. Napahang tojemmi ikambe kaja'dallanna ikambe, siagang naassemmi sikamma dosa-dosana ikambe.

YEREMIA 3:21

Ri coppo'na bulu'-buluka nia' kalangngerang sa'ra gegere'; iaminjo sa'ranna umma' Israel angngarru' siagang appala' tojeng, lanri dorakami ke'nanga, siagang nakaluppaimi Karaeng Allata'alana ke'nanga.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YEREMIA 44:14

Battu ri tu Yehuda tassesaya, ia a'lampayamo mange ri Mesir untu' ammantang anjoreng, tena manna sitau lata'lappasa' yareka attallasa'. Tena manna sitau battu ri ke'nanga lakkulle ammotere' mange ri Yehuda, manna pole nasanna' ero'na ke'nanga. Tojeng, tena manna sitau lakkulle ammotere' pantaranganna siapa are tau a'lilia untu' annompang.”

YEREMIA 44:28

Poro siapa areji bawang lasalama' siagang ammotere' mange ri Yehuda battu ri Mesir. Jari sikontu tu Yehuda niaka ri Mesir lanaciniki angkana apaka kananna ke'nanga yareka kana-kanangKu la'rupa.

YEREMIA 9:19

Ri Sion nia' kalangngerang sa'ra karru', angkana, “Panrakki' siagang sanna' nipakasiritta. Pa'rasanganta musti nibokoi, sikamma ballatta musti ancuru' tassimbung-simbung.”

YEHEZKIEL 14:22

Ebara' angkana nia' ta'lappasa' siagang napasalamaki ana'-ana'na, parhatikangi ke'nanga punna battui ke'nanga mae ri kau. Ciniki antekamma ja'dala'na ke'nanga, nanuassemmo angkanaya coco' sikali tindakangKu anghukkungi Yerusalem.

YEHEZKIEL 34:6

Jari pitilampa-lampaimi sikamma gimbalakKu ri bulu'-bulu' tinggia siagang sikamma monconga. Tassiaraki ke'nanga mange ri sikontu buttaya, tena manna sitau amparhatikangi yareka amboyai ke'nanga.

YEHEZKIEL 36:31

Lanuu'rangi panggaukang ja'dala'nu siagang anjo tindakannu tenaya nasiratang, nampa a'jari lanre mako mae ri batangkalennu lanri dosa-dosanu siagang anjo kapallakkannu.

NAHUM 2:7

Bainenna karaenga nijakkalaki, akkio'mi siagang appiraummi dayang-dayanna, akkunrareng ke'nanga rapang jangang-jangang pune-pune na natempa tojeng barambanna lanri susana.

ZEFANYA 1:14

A'reppese'mi allo pangadelanNa Batara; iyo, sanna'mi a'reppese'na, ba'lalo labattumi silalonna. Anjo alloa sangnging kapacceang, sa'genna manna tantara kaminang barania lammarrang-marrang todong lanri tappu' panrannuanna!