YEHEZKIEL 7:12 - KITTA' MATANGKASA'

¹² Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

YEHEZKIEL 7:12 ပူးပေါင်းရင်းမြစ်များ

PANGNGEBARANG 20:14

Paballia tuli akkunrareng ri passala' ka'jala'na apa-apaya. Mingka punna le'ba'mo naballi, nakalompoammi pa'mai' lanri anjo ballinna naballiangi.

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YEHEZKIEL 12:23

Jari pabattui mae ri ke'nanga angkanaya iNakke Batara Kaminang Tinggia appiali kamma anne: Anjo paruntu' kanaya laKupattaenami, sa'genna tenamo nanipaui ri Israel. Salaku sambenna pabattuangi ke'nanga angkana narapi'mi wattunna, siagang sikontu botoa la'rupa ngasemmi.

YEHEZKIEL 7:10

Battumi allo angngeranga bala mae ri Israel. Kajariammi ri kemae-kemae gau' pallaka. Katampoanga narapi'mi pamangeanna.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

ZEFANYA 1:14

A'reppese'mi allo pangadelanNa Batara; iyo, sanna'mi a'reppese'na, ba'lalo labattumi silalonna. Anjo alloa sangnging kapacceang, sa'genna manna tantara kaminang barania lammarrang-marrang todong lanri tappu' panrannuanna!