YEHEZKIEL 7:11 - KITTA' MATANGKASA'

¹¹ Kasekkekanga pila' lappakajai kaja'dallang. Sikontu kakalumanynyangnganga, kalompoanga siagang kaporeanga ia niaka ri ke'nanga lala'busuki tena sikali bate-batena.

YEHEZKIEL 7:11 ပူးပေါင်းရင်းမြစ်များ

PAMMUJI 125:3

Tau ja'dalaka tena natulusu' lakoasa ri butta pisakana tau lambusuka, sollanna tena namminawang tau bajika a'gau' ja'dala'.

PAMMUJI 73:8

Nacau-caui siagang napakka'-pakkanai taua, siagang akkana tampoi anggaratta' lanajallakkang taua.

PAMMUJI 78:64

Nibunoi imang-imanna ke'nanga siagang pa'dang, takkuleai appiraung janda-jandana ke'nanga.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YESAYA 9:4

A'lappe'-lappeki sa'ra sapatuna tantaraya na bajunna rassi cera', lala'busu' nikanre ri pepe'.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

YEREMIA 6:7

Antekamma batena timbuseng je'neka tuli appasulu' je'ne', kamma tomminjo anjo kotaya tuli appa'niaki kaja'dallang. Poro kabara' kapallakkang siagang pangngellakkang bawang Kulangngere' battu ri anjo kotaya; kemae-kemae Kucini' lokoka siagang garringa.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YEHEZKIEL 45:9

Nakana Batara Kaminang Tinggia, “He sikamma patugasa' pamarentana Israel, angganna'mi dosa-dosanu! Pamarimi anjo tindakannu appaero'-eroka siagang anjallakkangai ra'yaka. Gaukammi apa annabaya siagang adeleka. Tea sikaliko bongkai pole ummakKu battu ri tampa'na ke'nanga. INakke, Batara Kaminang Tinggia, amparentakangi anjo mae ri kau.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 5:4

Nampa allei sike'de' pole battu ri anjo uuka, pasambilai antama' ri pepeka, siagang lappassangi ammutung. Battu anjoreng la'le'lereki pepeka sa'genna mae ri sikontu bansa Israel.”

YEHEZKIEL 6:11

Nakana Batara Kaminang Tinggia, “Si'na mako! Angngarrukko! Angngarrukko pacce pa'mai'nu lanri sikontu kaja'dallang siagang kakodiang le'baka nagaukang bansa Israel. Lamatei ke'nanga lanri pa'bundukang, kacipurang siagang garring.

YEHEZKIEL 7:16

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

YEHEZKIEL 7:23

Sikontu pa'rasanganga a'jari ricui; kemae-kemae nia' pammunoang siagang kapallakkang.

YEHEZKIEL 8:17

Nakana Batara ri nakke, “He tau, nuciniki anjo mae? Anne tu Yehuda tenapa nasangga nasa'ring punna iaja anjo bawang apa appakaringi'-ringika nagaukang siagang panggaukang-panggaukang tenaya pangngamaseanna ri sikontu pa'rasanganga. Ba'lalo nagaukang tongi ke'nanga anrinni, lalang ri BallakKu siagang pila' natambai pole larroKu. Ciniki antekamma batena ke'nanga anghinA', ta'liwaka kodina.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

AMOS 6:3

Nupatterassangi angkanaya anjo allo angngeranga bala bella iji, mingka anjo sikamma panggaukannu poro pila' napa'jari linta'ji kabattuanna anjo allo kapallakkanga.

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

MIKHA 3:3

Nukanrei bansaku. Bukkulenna nukae-kaei siagang buku-bukunna nuancuruki. Nupolong-polongi ke'nanga rapang tau ammolonga dageng untu' nipantama' ri uringa.

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!