YEHEZKIEL 6:7 - KITTA' MATANGKASA'

⁷ Kemae-kemae nia' tau nibuno, na sikamma tau salamaka lanaassemmi angkanaya iNakke Batara.

YEHEZKIEL 6:7 ပူးပေါင်းရင်းမြစ်များ

2 KARAENG-KARAENG 19:19

O Batara, Allata'alana ikambe, Kilappassang laloi ikambe battu ri anjo tu Asyur, sollanna akkulle naasseng sikontu bansaya ri lino angkanaya iKatteji bawang Allata'ala.”

KALAPPASSANG 14:18

Lanaassengi tu Mesir angkanaya iNakke Batara.”

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

YEHEZKIEL 11:10

Lamateko lalang pa'bundukang ri pa'rasangang kalennu, na nuassemmo angkanaya iNakke Batara.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 12:15

Ri wattunna Kupasisa'la'-sa'la' ke'nanga mange ri tangnga-tangngana bansa-bansaya ri pa'rasangang-pa'rasangang maraenga, lanaassemmi ke'nanga angkana iNakke Batara.

YEHEZKIEL 12:19

Pabattui mae ri sikontu bansaya apa Kupaua, iNakke Batara Kaminang Tinggia, mae ri pandudu' Yerusalem niaka ija ammantang ri tampa'na ke'nanga. Lannekkereki ke'nanga ri wattunna angnganre siagang annekkereki napakamma malla' ri wattunna angnginung. Buttana ke'nanga la'jari kalotoroki, lanri sikontu tau ammantanga anjoreng tulusu' nadakkaina hukkunga.

YEHEZKIEL 13:14

Kuancu'-ancuruki sa'genna pundasina mami ammantang. Anjo temboka lanatujuko siagang lanabuno kabusukko. Na nuassemmo angkana iNakke Batara.

YEHEZKIEL 13:21

Bongong-bongong karama'nu laKukekkeki na ummakKu laKupalili battu ri pangaru ja'dala'nu sa'genna satunggu-tungguna. Na nuassemmo angkanaya iNakke Batara.

YEHEZKIEL 13:23

Kamma-kamma anne kala'busammi sikamma paccini' balle-ballenu siagang boto takontu tojennu. Kupasalamaki ummakKu battu ri pangaru ja'dala'nu. Na nuassemmo angkanaya iNakke Batara.”

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

YEHEZKIEL 14:8

INakke langngewai ke'nanga siagang Kupa'jari contoi mae ri maraengannaya. LaKupakabellai ke'nanga battu ri ummakKu, jari naassemmi ummakKu angkanaya iNakke Batara.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YEHEZKIEL 20:26

Kulappassangi ke'nanga anra'massi kalenna siagang koro'bang-koro'banna ke'nanga, ba'lalo ana' bungasa' bura'nena ke'nanga nakoro'bangkangi. Kammami anjo carana ke'nanga Kuhukkung sollanna naasseng ke'nanga angkanaya iNakkemi Batara.

YEHEZKIEL 20:38

Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

YEHEZKIEL 20:42

Punna Kuerangko ammotere' mange ri butta Israel, butta Kupa'janjianga mae ri boe-boenu, nuassemmi angkanaya iNakke Batara.

YEHEZKIEL 20:44

Punna le'ba' mako Kupakamma anjo lanri kalompoanNa arengKu, na tena nasimbattala' panggaukang kodinu kammayatompa panggaukang ja'dala'nu, nuassemmi ikau tu Israel angkanaya iNakke Batara. INakke Batara Kaminang Tinggia anne akkana.”

YEHEZKIEL 22:16

Ikau lanihinako ri bansa-bansa maraenga; nampa nuassemmo angkanaya iNakke Batara.”

YEHEZKIEL 23:49

He Ohola siagang Oholiba, laKuhukkungko lanri a'gau' bawangko siagang anynyombako ri barhala. Nampa nuassemmo angkanaya iNakke Batara Kaminang Tinggia.”

YEHEZKIEL 24:24

Jari inakke, Yehezkiel, la'jari conto mae ri kau: lanugaukangi sangkamma apa kugaukanga kamma-kamma anne. Nakana Batara, angkanaya punna kajariang anjo passalaka, lanuassemmi angkanaya Iami Batara Kaminang Tinggia.”

YEHEZKIEL 24:27

Ri ia todong anjo alloa lakkulleko a'bicara ammotere' siagang tenamo nupepe. Nampa la'bicara mako siagang anjo taua. Kammami anjo naikau la'jari pammatei mae ri ke'nanga; nampa naassemmo ke'nanga angkanaya iNakkemi Batara.”

YEHEZKIEL 25:17

LaKuhukkung lompoi ke'nanga siagang laKupa'betteseki larro boli'-bolikKu sa'genna sangga pakkasiakKu. Punna napisa'ringi ke'nanga pangngalarroingKu, naassemmi ke'nanga angkanaya iNakkemi Batara.”

YEHEZKIEL 26:6

Lanaellaki ke'nanga siagang lanabunoi panduduka ri kota-kota niaka ri bontona Tirus. Jari naassemmi pandudu'na Tirus angkanaya iNakke Batara.”

YEHEZKIEL 28:23

LappabattuA' garring, siagang laKulappassangi assolong ceraka ri sikamma oloannu. Lanibundukiko ri musu battu ri kere-keremae, siagang pandudu'nu lanibunoi. Jari nuassemmi angkanaya iNakkemi Batara.’ ”

YEHEZKIEL 30:26

LaKupasiaraki tu Mesir mange ri sikontu linoa. Na nassemmo ke'nanga angkanaya iNakke Batara.”

YEHEZKIEL 32:15

Punna Kupa'jari Mesir parang lompo sino, kammayatompa Kupanraki sikontu apa ammantanga anjoreng, lanaassemmi ke'nanga angkanaya iNakkemi Batara.

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YEHEZKIEL 6:13

Sikamma maya'-maya'na latassiaraki ri alla'-alla'na barhalaya siagang ri tammulilina tampa'-tampa' koro'banga, ta'lapara' ri tunggala' bulu' tinggia, ri coppo'na monconga, irawanganna poko'-poko' kayu copponga leko'na siagang poko'-poko' kayu lompoa; bodona kana, kemae-kemae ke'nanga attunu koro'bang untu' barhalana ke'nanga. Jari tunggala' taua lanaassengi angkanaya iNakkemi Batara.

YEHEZKIEL 6:6

Sikontu kota Israel laniancuruki, sikontu tampa' pakkoro'bangnganga siagang barhalaya lalicaki, sikamma pa'dupaanna latassimbung-simbungi, kammayatompa sikamma apa napareka ke'nanga latappelaki.

YEHEZKIEL 6:8

Nia' tena siapa jaina battu ri ke'nanga laKupata'lappasa' battu ri anjo pammunoanga mingka laKupasisa'la'-sa'laki ke'nanga mange ri alla'na bansa-bansaya;

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YEHEZKIEL 9:7

Nakana Allata'ala ri ke'nanga, “Ra'massi anne BallakKu! Pirassi sikamma paranglakkenna siagang maya'. Appakkaramula mako!” Jari appakaramulami ke'nanga ambunoi sikamma tau niaka lalang ri kotaya.