YEHEZKIEL 6:4 - KITTA' MATANGKASA'

⁴ LaKurumbangi tampa'-tampa' pakkoro'bangnganna ke'nanga siagang laKureppe'-reppeki sikamma pa'dupaanna. Sikontu tau niaka anjoreng lanibunoi ri dallekanna barhalana.

YEHEZKIEL 6:4 ပူးပေါင်းရင်းမြစ်များ

1 KARAENG-KARAENG 13:2

Lanri parentaNa Batara, akkio'mi anjo na'bia mae ri anjo tampa' pakkoro'bangnganga angkana, “He tampa' pakkoro'bangngang, he tampa' pakkoro'bangngang! Kammai anne kananNa Batara, ‘Nia' sitau ana' laniareng Yosia lanilassukang lalang ri kaluargana Daud. Irateannu, he kau tampa' pakkoro'bangnganga, lanabuno sikontu imang-imang niaka tugasa' ri tampa'-tampa' passambayangang mae ri rewataya, siagang pole tau le'baka assare koro'bang irateannu. Na irateannu tommi lanitunu buku-bukunna rupataua.’ ”

2 KARAENG-KARAENG 23:14

Tembo'-tembo' rewata siagang patung Dewi Asyera niruntungi, nampa anjo butta le'ba' pammantanganna nibangung anjo tembo'-temboka siagang patung-patunga natambungi Yosia siagang buku-buku tau.

2 PATTOTTORANG 14:5

Sikontu tampa' panynyombanga mae ri barhalaya siagang tampa' pattunuang dupaya napakabella kabusuki battu ri kota-kotana Yehuda. Na'jari sannammo anjo kakaraenganga irawangang pamarentahanna,

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YEREMIA 43:13

Sikamma patung-patunna barhalaya ri Heliopolis ri Mesir, laniancuru' ngasengi, siagang sikamma balla'-balla' rewataya ri Mesir lanitunui sa'genna la'busu'.”

YEREMIA 7:32

Lanri kammana anjo, nia' sallang se're wattu natenamo niarengi anjo tampaka Tofet yareka Ka'bung Lappara' Hinom, passangalinna Ka'bung Lappara' Panynyamballeang. Anjo buttaya la'jari butta pa'jerakkang lanri tenana tampa' maraeng.

YEHEZKIEL 6:13

Sikamma maya'-maya'na latassiaraki ri alla'-alla'na barhalaya siagang ri tammulilina tampa'-tampa' koro'banga, ta'lapara' ri tunggala' bulu' tinggia, ri coppo'na monconga, irawanganna poko'-poko' kayu copponga leko'na siagang poko'-poko' kayu lompoa; bodona kana, kemae-kemae ke'nanga attunu koro'bang untu' barhalana ke'nanga. Jari tunggala' taua lanaassengi angkanaya iNakkemi Batara.

KAIMANGNGANG 26:30

LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

1 SAMUEL 5:4

Mingka ammukona, ri bari'basa'na, naciniki ke'nanga tu'guru'moseng anjo patunga ri dallekanna anjo Patti Parjanjianga. Anjo wattua tassa'la'mi ulunna siagang rua limanna anjo patunga, ta'dongko' ri dallekanna pakke'buka. Kalenna mami anjo patunga kamma biasa. (