YEHEZKIEL 5:8 - KITTA' MATANGKASA'

⁸ Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

YEHEZKIEL 5:8 ပူးပေါင်းရင်းမြစ်များ

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YEREMIA 21:5

KalengKu lambundukiko siagang kagassingangKu, lalang allumpana larroKu.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

YEREMIA 50:7

Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PIRAUNG 3:3

A'mole-molea' niba'ji, tuntungallo tamangngamaseang.

YEHEZKIEL 11:9

LaKuerangko assulu' battu ri kotaya nampa Kupassareangko mae ri bansa maraeng. Le'ba'mi Kutappuki angkana laKuhukkung mateko.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 28:22

Pabattui mae ri pandudu'na angkana iNakke, Batara Kaminang Tinggia, angkana ri ke'nanga, ‘INakke anne musunnu Sidon. LanapaleceA' taua lanri tindakangKu mae ri kau. Ri wattunna Kuhukkung pandudu'nu, naassemmi pandudu'nu angkanaya iNakkemi Batara matangkasaka.

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

YEHEZKIEL 34:10

Nakke, Batara Kaminang Tinggia akkana ri kau angkanaya iNakke anne musunnu. Anjo sikamma gimbalakKu laKuallei ammotere' battu ri kau siagang tenamo naKupappirannuangi mae ri kau; tenamo naKukellaiko annawa-nawai kaparalluang kalennu bawang. Sikamma gimbalakKu laKupasalamaki battu ri kau, sa'genna tenamo nala'jari kanrenu.’ ”

YEHEZKIEL 35:3

Pabattui mae ri pandudu'na apa Kupaua, iNakke, Batara Kaminang Tinggia mae ri ke'nanga angkana, ‘INakke anne musunnu, he pandudu'na daera monconna Edom! Buttanu laKupa'jari sino sikali tena bonena, siagang kota-kotanu la'jari loro-loroi. Nalanuassemmo angkanaya iNakkemi Batara.

YEHEZKIEL 39:1

Nakana Batara Kaminang Tinggia, “He tau, ancangi Gog, karaeng lompo battua ri pa'rasangang Mesekh siagang Tubal, siagang pauangi angkanaya iNakke anne musunna.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.