YEHEZKIEL 5:5 - KITTA' MATANGKASA'

⁵ Nakana Batara Kaminang Tinggia, “Ciniki, iaminne Yerusalem. Anne kotaya Kuboliki ri pocci'na linoa, siagang bansa-bansa maraenga ri tammulilina.

YEHEZKIEL 5:5 ပူးပေါင်းရင်းမြစ်များ

PAMMUJI 87:3

Pilangngeri, he kotaNa Allata'ala, apa-apa appakalannasa' Nakananga ri passala' ikau:

YEREMIA 6:6

Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

YEHEZKIEL 16:14

Sikontu bansaya napalecei kaga'gannu, siagang iNakkemi ampa'jariko ga'ga sikali. INakke, Batara Kaminang Tinggia, anne akkana.

YEHEZKIEL 4:1

Nakana Allata'ala, “He tau, angngalleko se're batu bata, padongkoki ri dallekannu siagang gambaraki rate gambara'na kota Yerusalem.

YEHEZKIEL 5:4

Nampa allei sike'de' pole battu ri anjo uuka, pasambilai antama' ri pepeka, siagang lappassangi ammutung. Battu anjoreng la'le'lereki pepeka sa'genna mae ri sikontu bansa Israel.”

MIKHA 5:7

Tu Israel niaka ija ammantang ri alla'na bansa-bansaya lakontui singa ri tangnga-tangngana olo'-oloka ri romanga yareka ri tangnga-tangngana gimbalaka ri parang rukuka. Anjo singaya antamaki ri tangnga-tangngana anjo lokoang gimbalaka na naonjo'-onjokang siagang nakae-kae; tena akkulle allappassangi anjo sikamma gimbalaka.

MATIUS 5:14

Ikau ngasemmi rapang singara'na anne linoa. Kota niaka irate ri bontoa takkulleai nicokko.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

PAOLE 4:6

Majarrekko anggaukangi anjo kammaya. Punna nugaukang anjo kammaya, a'nyatami kacara'dekannu mae ri bansa-bansa maraenga. Punna nalangngereki ke'nanga ri passala'na anjo sikamma hukkunga, lanakana ke'nanga, ‘Teai sipato' cara'de'na siagang taranna ota'na anjo bansa lompoa!’

PAOLE 8:20

Punna tena numannuruki mae ri Karaeng Allata'alanu, tena taniancuru'nu todong sangkamma bansa-bansa maraenga, ia Naancuruka ri dallekanna matannu.”