YEHEZKIEL 5:2 - KITTA' MATANGKASA'

² Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.

YEHEZKIEL 5:2 ပူးပေါင်းရင်းမြစ်များ

YEREMIA 13:24

LaKupasisa'la'-sa'lakko rapang awang niirika ri anging battua ri paranga.

YEREMIA 15:2

Punna akkuta'nang ke'nanga ri kau angkana kemae musti a'lampa ke'nanga, appialiko kamma anne, ‘Nakana Batara, ia nipattantua lamate lanri garring lappassammi mate lanri garring. Ia nipattantua lamate lalang pa'bundukang lappassammi mate lalang pa'bandukang. Ia nipattantua lamate lanri cipuru' lappassammi mate lanri cipuru'! Ia nipattantua lanitahang, lappassammi niengka' salaku tunitahang!’

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 39:1

Ri bulang sampulo ri taung makasalapang ri pamarentahanna Zedekia karaeng Yehuda, Nebukadnezar karaeng Babel siagang sikontu tantarana battumi siagang nabundukimi Yerusalem.

YEREMIA 39:2

Ri tanggala' salapang bulang appa' taung makasampulo asse're pamarentahanna Zedekia, niruntummi tembo' kotaya ri musu,

YEREMIA 9:15

Lanri kammana anjo, pilangngeri apa laKugaukanga, Batara Kaminang Koasaya, Allata'alana Israel: laKusarei ummakKu lamungang pai' untu' nakanre siagang racung untu' nainung.

YEREMIA 9:16

LaKupasiaraki ke'nanga mange ri alla'na bansa-bansa tenaya naassengi ke'nanga yareka ri boe-boena ke'nanga. Latulusu' appabattuA' tantara untu' ambunduki ke'nanga sa'genna Kuancuru' taba sikali ke'nanga.”

YEHEZKIEL 12:14

Sikontu tau ammantanga ri balla' karaenga, kammayatompa sikamma tumailalanna siagang pangawala'na anjo karaenga laKupasisa'la'-sa'laki ri kere-keremae. LaKuondangi siagang laKubunoi ke'nanga.

YEHEZKIEL 17:21

Tantarana kaminang bajika lamatei lalang pa'bundukang, nampa ia akkullea ta'lappasa' laKupasisa'la'-sa'laki a'lampa kemae-kemae. Na naassemmo ke'nanga ummakKu, angkanaya iNakke, Batara anne akkana.”

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEHEZKIEL 5:3

Boliki sike'de' battu ri anjo uuka siagang rokoki lalang ri lappa'na jubanu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

ZAKHARIA 13:8

na ruambageang talluna sikontu pandudu'na pa'rasanganga lamate.