YEHEZKIEL 5:17 - KITTA' MATANGKASA'

¹⁷ Pantaranganna bala kacipuranga, lappabattu tongA' garring, kapallakang siagang bundu', untu' ambunoi pandudu'nu, siagang olo'-olo' sekkeka untu' ambunoi ana'-ana'na ke'nanga. INakke, Batara, anne akkana.”

YEHEZKIEL 5:17 ပူးပေါင်းရင်းမြစ်များ

2 KARAENG-KARAENG 17:25

Ri wattu pakaramula ammantanna ke'nanga anjoreng, tena napakalompoi Batara; lanri kammanami anjo naNapabattumo Batara siapa are jaina singa untu' angkanrei sipa'gang battu ri ke'nanga.

KALAPPASSANG 23:29

Tena nalaKubongka taba sikali ke'nanga lalanna sitaung, sollanna tena nata'ronang anjo buttaya, siagang tena nabattu sikamma olo'-olo' sekkeka.

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YEHEZKIEL 14:15

Nakulle kapang appabattuA' olo'-olo' sekke' untu' angkanrei pandudu'na anjo pa'rasanganga, sa'genna anjo daeraya a'jarimi daerana sannaka bahayana siagang tenamo manna sitau barani angngoloi.

YEHEZKIEL 14:19

Nakulle kapang appabattuA' garring mae ri anjo pa'rasanganga, siagang Kupa'bettese' larroKu mae ri ia, sa'genna baji' tau kammayatompa olo'-oloka lamate ngasengi.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 17:21

Tantarana kaminang bajika lamatei lalang pa'bundukang, nampa ia akkullea ta'lappasa' laKupasisa'la'-sa'laki a'lampa kemae-kemae. Na naassemmo ke'nanga ummakKu, angkanaya iNakke, Batara anne akkana.”

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 21:32

Lacappu' kabusukko nakanre pepe'. Latattumpai cera'nu ri pa'rasangang kalennu, siagang tenamo manna sitau langngu'rangiko. INakke, Batara, anne akkana.’ ”

YEHEZKIEL 22:14

Maka barani ijako yareka gassingijako untu' angngangkaki limannu ri wattunnu le'ba' Kuhukkung? INakke, Batara Kaminang Tinggia anne akkana, siagang laKupa'rupai apa le'baka Kupau.

YEHEZKIEL 23:47

Boli'mi kamma nisambila batu siagang nibakkai ke'nanga siagang pa'dang. Boli'mi kamma nibuno ana'-ana'na ke'nanga siagang nitunu sikamma balla'na.

YEHEZKIEL 26:14

Ia Kusesaya se're mami batu kalotoro', tampa'na sikamma paboya jukuka angngalloi jalana ke'nanga. Anjo kotaya talanibangungami ammotere'. INakke, Batara Kaminang Tinggia, anne akkana.”

YEHEZKIEL 28:23

LappabattuA' garring, siagang laKulappassangi assolong ceraka ri sikamma oloannu. Lanibundukiko ri musu battu ri kere-keremae, siagang pandudu'nu lanibunoi. Jari nuassemmi angkanaya iNakkemi Batara.’ ”

YEHEZKIEL 30:12

LaKupa'jari kalotoroki Binanga Nil siagang Kupassareangi sikontu Mesir mae ri sikamma tau ja'dalaka. LaKusuroi bansa-bansa maraenga angngancuruki anjo sikontu pa'rasanganga. INakke, Batara, anne akkana.”

YEHEZKIEL 33:27

Lanri iNakke, Allata'ala mattallasaka, Batara Kaminang Tinggia, sikamma anjo tau ammantanga anjoreng ri rumbangnganga ri kotaya lamate nibunoi. Ia ke'nanga ammantanga ri paranga lanikanrei ri olo'-olo' sekke'. Ia accokkoa ri bulu'-buluka siagang ri sikamma leanga lamate garringi.

YEHEZKIEL 37:14

LaKupatuiki nappasaka antama' ri kalenna ke'nanga untu' ampakatallasaki ke'nanga, nampa Kusare pakkulle ke'nanga ammantang ri pa'rasangang kalenna. Jari naassemmi ke'nanga angkanaya iNakke Batara. INakke Batara anne akkana, siagang mattantu la'rupana kanangKu.”

YEHEZKIEL 38:22

LaKuhukkungi siagang garring kammayatompa cera' assolong. Bosi lompo, bosi es, pepe' siagang batu a'bara laKutumpa mae ri ia siagang tantarana kammayatompa mae ri sikamma tantara naaganga sita'gala'.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

YEHEZKIEL 6:1

Nakana Batara ri nakke,

YEHEZKIEL 6:12

Lanakasia' ngasengi ke'nanga jallo'na kalarroangKu. Sikamma tau bellaya ri butta pammelakkanga latu'guru' garringi nampa mate; tau ambania lamatei lalang bundu', siagang la'binnaya lamate naallei garring.

KAIMANGNGANG 26:22

LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.