YEHEZKIEL 5:16 - KITTA' MATANGKASA'

¹⁶ LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

YEHEZKIEL 5:16 ပူးပေါင်းရင်းမြစ်များ

2 KARAENG-KARAENG 6:25

sa'genna naallemo cipuru' lompo tau lalanga ri anjo kotaya; manna se're ulu keledai niballimi 80 doe' pera', siagang ruaya ons tai bodobangkeng niballimi lima doe' pera'.

PAMMUJI 7:13

Punna tamamminraya gau'na ke'nanga, sadiai siagang sanjata pammunoNa. Nakantisiki pa'danna, na Napabantang otere' panaNa nampa Nalappassang ana'-ana' panaNa a'rinraya.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YEREMIA 52:6

Ri tanggala' salapang bulang appa' ia todong anjo taunga, ri wattunna sanna' dudumo bala kacipuranga, sa'genna tena sikalimo lanakanre ra'yaka,

PIRAUNG 3:12

Napabantangi anrong panaNa, nampa Nalio-lioa' siagang panaNa.

YEHEZKIEL 14:13

punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

YEHEZKIEL 4:16

Nampa Nakana pole, “He tau, laKupanraki sikamma parsadiaang kanre-kanreanga ri Yerusalem. Lussaki siagang ranggaselai taua nanaukkuru'mo kanre nakanrea ke'nanga siagang je'ne' nainunga ke'nanga.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 5:17

Pantaranganna bala kacipuranga, lappabattu tongA' garring, kapallakang siagang bundu', untu' ambunoi pandudu'nu, siagang olo'-olo' sekkeka untu' ambunoi ana'-ana'na ke'nanga. INakke, Batara, anne akkana.”

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.